O’zbek tili adabiyoti uslubiyoti kafedrasi

Sifat komissiyasining raisi: dots. Q. Xurramov.


Tuzuvchi: dots. D.Xalilova
Taqrizchi: dots. A.Ergashev
Kafedra mudiri: dots. D.Xalilova


SO‘Z BOSHI

“Bolalar adabiyoti va folklor” deb atalayotgan mazkur kurs rasman tasdiqlangan o‘quv rejasida ko‘zda tutilgan oliy o‘quv yurtlari “B 5141600-Boshlang‘ich ta’lim va sport-tarbiyaviy ish” mutaxassisligi bo‘yicha bakalavr darajasi uchun mo‘ljallangan.

Kursning maqsad va vazifalari. Ushbu kursning asosiy maqsadi o‘zbek bolalar adabiyoti tarixini yaxlit tarzda o‘rganish, uning o‘ziga xos xususiyatlari, bu adabiyotning tug‘ilishi, shakllanishi, rivojidagi yetakchi omillarni ochib berish, bolalar adabiyotining yirik namоyаndalari hayoti va ijodini o‘rganib, ularнинг asarlarida keltirilgan g‘oyaviy-badiiy, ta’lim-tarbiyaviy xususiyatlarni ilg‘ashga qaratilgan. Shuningdek, kursni o‘qitish jarayonida yosh avlodning jismonan baquvvat, ruhan pok, fikran sog‘lom iymon-e’tiqodi butun, bilimi, ma’naviyati yuksak, vatanparvar avlod qilib tarbiyalashda bolalar folklori-xalq og‘zaki ijodi namunalarining ham muhim ahamiyat kasb etishini alohida ta’kidlash joiz. Bolalar adabiyotining jahon adabiyotida tutgan o‘rni, folklor bilan chambarchas bog‘liqligi, didaktik xususiyatlari, taraqqiyot tamoyillari, janrlar rang-barangligi yuzasidan tushuncha berish ko‘zda tutiladi.
Kurs ana shu bosh maqsaddan kelib chiqib quyidagi vazifalarni belgilaydi:

• 
  bolalar adabiyotining shakllanishida xalq og‘zaki ijodi va yozma adabiyotning o‘rni;
  

-bolalar adabiyotining tarixiy ildizi bolalar folkloriga borib taqalishi xususida;
- bola tarbiyasida bolalar adabiyotining roli;
-bolalar adiblari asarlarida vatanparvarlik, qahramonlik, do‘stlik, mehnatsevarlik, odob-axloq masalalarining badiiy aks ettirilishi;
- yosh avlod ongining kamol topishida bolalar folklorining ahamiyati;
- yosh avlodni milliy g‘oya, qadriyatlar va an’analar asosida tarbiyalashda folklor namunalarining o‘rni.