Ozbek-Tariyx-1-70-(каракалпак). indd

2017—2021-jılları mámleketti rawajlandırıwdıń 
bes tiykarǵı baǵdarı boyınsha Háreketler strate-
giyası.
Elimizde ǵárezsizlik jıllarında ámelge 
asırılǵan keń kólemli reformalar milliy mámleket-
shilik hám suverenitetin bekkemlew, qáwipsizlik 
hám huqıq-intizamdı, elimiz shegaralarınıń qol-
qatılmaslıǵın, jámiyette nızam ústinligin, insan 
huqıq hám erkinliklerin, milletleraralıq tatıwlıq 
hám diniy keńpeyillik ortalıǵın támiyinlew ushın 
áhmiyetli tiykar boldı.
Sonıń menen birge, elimiz basıp ótken rawajlanıw jolınıń analizi, 
búgingi kúnde dúnya bazarınıń talabı keskin ózgerip, globallasıw 
sharayatında báseki kúsheyip baratırǵanı elimizdi jáne de tez pátler 
3 — Ózbekstan tariyxı, 11-klass

---

34
menen rawajlandırıw ushın tolıq jańasha baǵdardı islep shıǵıwdı 
talap etti. Mámleketimizdiń 2016-jılı saylanǵan Prezidenti Shavkat 
Mirziyoevtiń baslaması menen alıp barılıp atırǵan reformalar nátiyjesin 
jáne de arttırıw, mámleket hám jámiyettiń hár tárepleme, jedel rawaj-
lanıwı ushın shárt-sharayatlar jaratıw, elimizdi modernizaciyalaw 
hám de turmıstıń barlıq tarawların liberallastırıw boyınsha tiykarǵı 
baǵdarlardı ámelge asırıw maqsetinde Ózbekstan Respublikası Preziden-
tiniń 2017-jılı 7-fevraldaǵı pármanı menen 2017—2021-jılları Ózbekstan 
Respublikasın rawajlandırıwdıń bes tiykarǵı baǵdarı boyınsha Háreketler 
strategiyası tastıyıqlandı. 
Strategiya áhmiyetli hám de xalıq hám isbilermenlerdi táshwishke 
salatuǵın máselelerdi kompleks úyreniw, nızamshılıq, huqıqtı qorǵaw 
ámeliyatı hám shet el tájiriybesin talqılaw juwmaqları boyınsha islep 
shıǵılǵan.
Háreketler strategiyası 5 basqıshta ámelge asırılıp, olardıń hárbiri 
boyınsha jıl atalıwınan kelip shıqqan halda, óz aldına bir jıllıq 
mámleketlik baǵdarlamasın tastıyıqlawdı názerde tutadı.
Háreketler strategiyasın ámelge asırıw boyınsha Prezident basshılıq 
etetuǵın 14 adamlıq Milliy komissiya dúzilip, bul hújjette belgilengen 
wazıypalardıń óz waqtında sapalı orınlanıwın qadaǵalaytuǵın boldı.
Este saqlań!
Háreketler strategiyasında mámleketti jáne de rawajlandırıw 
boyınsha 5 tiykarǵı baǵdarı keltirilgen:
I. Mámleketlik hám jámiyetlik sistemanı jetilistiriw (aspan kók reń — 
aspan hám taza suw belgisi, Amir Temur mámleketi bayraǵınıń reńi).
II. Nızam ústinligin támiyinlew hám sud-huqıq sistemasın bunnan 
bılay da reformalaw (sıyareń — nızam ústinligi hám ar-namıslılıq 
belgisi); 
III. Ekonomikanı rawajlandırıw hám liberallastırıw (altın reń — eko-
nomikanı rawajlandırıw elementleri esaplanǵan kúsh-qúdiret hám 
baylıq belgisi);
IV. Sociallıq salanı rawajlandırıw (qızıl reń — turmıs hám xalıqtıń 
múnásip turmıs tárizin támiyinlew belgisi);
V. Qáwipsizlik, diniy keńpeyillik hám milletleraralıq tatıwlıq, óz ara 
paydalı hám ámeliy sırtqı siyasat (aq reń — tınıshlıq súyiwshilik 
siyasatı elementleri esaplanǵan tınıshlıq hám páklik belgisi).

---

35