Ozbek-Tariyx-1-70-(каракалпак). indd

Xalıq penen sáwbetlesiwdiń jolǵa qoyılıwı.
2016-jılı dáslepki ret eli-
miz xalqı hám húkimettiń tuwrıdan-tuwrı sáwbetlesiwi jolǵa qoyıldı. Usı 
jıldıń sentyabr ayında Bas ministrdiń (pm.gov.uz elektron mánzilinde) 
virtual qabıllawxanası ashıldı. 2017-jıldıń «Xalıq penen sáwbetlesiw hám 
insan mápleri jılı» dep járiyalanıwı bul tarawdaǵı jumıslardı tezlestirdi.
Prezident Shavkat Mirziyoevtiń 2016-jılı 28-dekabrdegi «Fizikalıq 
hám yuridikalıq shaxslardıń múrájáátleri menen islew sistemasın túp-
tiykarınan jetilistiriwge tiyisli ilajlar haqqında»ǵı Pármanına muwapıq 

---

33
Xalıq qabıllawxanaları dúzildi. Onıń xızmetkerleri bolsa Ózbekstan 
Respublikasınıń Prezidenti rezidenciyasınıń xızmetkerleri esaplanıwı 
belgilep qoyıldı. 2017-jılı dekabrde Ózbekstan Respublikası Prezidenti 
Shavkat Mirziyoev Ózbekstan Respublikasınıń Konstituciyası qabıl 
etiliwiniń 25 jıllıǵına arnalǵan saltanatlı máresimdegi bayanatında 
Xalıq qabıllawxanaları negizinde, Prezident janında ayrıqsha struk-
tura — Operativ mámleketlik xızmetleri agentligin shólkemlestiriw 
ideyasın alǵa súrdi.
Pikirlesiń!
Virtual qabıllawxanası ashılıwınıń zárúrligin nelerde kóresiz?
Qosımsha maǵlıwmatlardan paydalanǵan halda, internettiń pm.gov.
uz mánzilindegi «PM» qısqartpasınıń mazmunın túsindiriń.
Bir jıl dawamında sınaqtan ótip, barǵan sayın jetilistirilip barılǵan usı 
mexanizm dúnya jámiyetshiligine demokratiya jolındaǵı tabıslarımızdan 
biri sıpatında kórsetildi. Prezident Shavkat Mirziyoev Birlesken Milletler 
Shólkemi Bas Assambleyasınıń 72-sessiyasında xalıq hákimiyatın atına 
emes, bálkim ámelde engiziw mexanizmlerin bekkemlewdi global maqset 
sıpatında belgilep, elimizdiń barlıq aymaǵında Prezidenttiń virtual 
hám Xalıq qabıllawxanaları dúzilgenin hám de házirgi kúnge shekem 
bir millionnan artıq puqaralarımız bul qabıllawxanalar arqalı ózleriniń 
áhmiyetli mashqalaların sheshkenin aytıp ótti.