Ozbek-Tariyx-1-70-(каракалпак). indd

Isbilermenlerdiń mámleket tárepinen qollap-quwatlanıwı, olardı 
xoshametleytuǵın mexanizmniń jaratılıwı.
2001-jıldan baslap jeke isbiler-
menlikti, ásirese, kishi hám orta biznes kárxanaların rawajlandırıw 
arqalı ekonomikanı quramlı jaqtan qayta qurıw ámelge asırıldı. 2000-
jılı qabıllanǵan Ózbekstan Respublikasınıń «Isbilermenlik xızmeti 
erkinliginiń kepillikleri haqqında»ǵı nızam kishi hám jeke isbiler-
menliktiń rawajı ushın jáne de keń imkaniyatlardı ashıp berdi. Bul 
menshiklestirilip atırǵan kárxana miynet jámáátine akciyalardı jeńille-
tilgen shártler menen satıw, jańa múlkdarlarǵa gónergen tiykarǵı 
fondlar hám de sociallıq infrastruktura obyektlerin biypul tapsırıw, 
mámleketlik kárxanalarınıń mal-múlki, fermalar, baǵlar hám sol 
sıyaqlılardı jeńilletilgen shártler tiykarında menshiklestiriw hám de salıq 
tólewde ayırım jeńillikler beriw sıyaqlı jaǵdaylarda óz kórinisin taptı. 
Respublikada múlkti mámleket iyeliginen shıǵarıwda xalıq ushın kúshli 
sociallıq kepillikler jaratıldı hám támiyinlendi.
2002-jılı «Qamsızlandırıw xızmeti haqqında»ǵı nızamnıń qabılla-
nıwı hám Prezident pármanı tiykarında 2002-jılı fevraldan baslap 
qamsızlandırıw shólkemleriniń 3 jıl múddetke dáramat salıǵınan azat 
etiliwi elimizde qamsızlandırıw bazarın jáne de erkinlestiriw hám 
rawajlandırıwǵa xızmet etpekte.
Kishi biznes hám jeke isbilermenliktiń qáliplesiwi hám rawajlanıwı.
Ǵárezsizliktiń qolǵa kirgiziliwi Ózbekstannıń izbe-iz rawajlanıw jolına 
qaytıwına imkaniyat jarattı. «Ózbek modeli» koncepciyası tiykarında 
baslanǵan ekonomikalıq hám sociallıq reformalar respublikada isbiler-
menliktiń rawajlanıwına keń imkaniyatlar ashıp berdi.
Kishi biznes hám jeke isbilermenlikti rawajlandırıw birneshe 
basqıshlarda alıp barıldı.

---

48
Birinshi basqısh — 1991—1996-jıllar.
Bul basqıshta múlkti mámleket 
iyeliginen shıǵarıw hám menshiklestiriw hám de bazar ekonomikasın 
dúziwdiń tiykarı bolǵan kishi múlkdarlar klasınıń qáliplestiriliwinen 
baslandı. Sonıń menen birge, bul basqıshta jeke isbilermenlikti rawaj-
landırıw ushın qolaylı shárt-sharayat, jeke múlkti qorǵawdıń konsti-
tuciyalıq huqıqları hám kepilliklerin támiyinlewshi nızamlar qabıllandı.