Ozbek-Tariyx-1-70-(каракалпак). indd

Tórtinshi basqısh — 2016-jıldan baslandı.
Prezident Shavkat Mir-
ziyoevtiń 2016-jılı 5-oktyabrdegi «Isbilermenlik xızmetiniń jedel 
rawajlanıwın támiyinlewge, jeke múlkti hár tárepleme qorǵawǵa hám 
isbilermenlik ortalıǵın sapa jaǵınan jaqsılawǵa tiyisli qosımsha ilajlar 
haqqında»ǵı pármanına muwapıq, isbilermenlikti jáne de jedel 
rawajlandırıwǵa itibar kúsheyttirildi. 2018-jılı tastıyıqlanǵan «Jedel 
isbilermenlik, innovaciyalıq ideyalar hám texnologiyalardı qollap-
quwatlaw jılı» Mámleketlik baǵdarlamasında isbilermenlik subyekt-
leriniń finans-xojalıq xızmetin tekseriwge eki jıl múddetke moratoriy 
(toqtap turıw) járiyalandı.
Erkin hám arnawlı ekonomikalıq zonalardıń jaratılıwı hám de olardıń 
áhmiyeti.
1996-jılı Ózbekstan Respublikasınıń «Erkin ekonomikalıq 
zonalar haqqında»ǵı nızamı qabıllandı. Nızamǵa muwapıq erkin 
ekonomikalıq zona degende belgili bir regiondı jedel social-ekonomikalıq 
rawajlandırıw ushın mámleket hám shet el kapitalın, perspektivalı 
texnologiya hám basqarıw tájiriybesinen paydalanıw maqsetinde dúzi-
letuǵın, anıq belgilengen hákimshilik shegaraları hám ayrıqsha huqıqıy 
intizamı bolǵan arnawlı ajıratılǵan aymaq túsiniledi.
Prezidentimizdiń 
2008-jılı «Nawayı wálayatında erkin industrial-ekonomikalıq zona 
shólkemlestiriw haqqında»ǵı pármanı tiykarında «Nawayı» xalıqaralıq 
intermodal logistika orayı dúzildi. 2013-jılı Ózbekstan Respublikası 
Prezidentiniń «Jizzax» arnawlı industrial zonasın dúziw haqqında»ǵı 
hám «Angren» arnawlı industrial zonasın dúziw haqqında»ǵı pármanları 
qabıllandı. Bul pármanlar básekige shıdamlı ónim islep shıǵarıwdı 
támiyinleytuǵın zamanagóy, joqarı texnologiyalı óndiristi shólkemlestiriw 
Este saqlań!
Ózbekstan Respublikası Prezidentiniń 2017-jılı 2-sentyabrdegi 
qararına muwapıq, Ózbekstanda 5-sentyabrden baslap yuridikalıq 
hám fizikalıq shaxslar shet el valyutasın heshqanday sheklewlersiz 
almastırıwdı basladı. Bul sumdı konvertaciyalawdaǵı júdá áhmiyetli 
qádem boldı.
4 — Ózbekstan tariyxı, 11-klass

---

50
ushın shet el hám jergilikli investiciyalardı tartıw, bul boyınsha qolaylı 
shárt-sharayatlardı qáliplestiriwge, óndiris hám resurs potencialınan 
nátiyjeli paydalanıw, jańa jumıs orınların jaratıw hám xalıq dáramatların 
arttırıwǵa xızmet etiwi kózde tutılǵan.
Ekonomikalıq zonalar kirgiziletuǵın investiciya muǵdarınan kelip 
shıqqan halda 3 jıldan 7 jılǵa shekemgi múddetke bajıxana hám salıq 
tólemlerinen azat etiledi. Ózbekstan Respublikası Prezidentiniń 2016-
jılı oktyabrdegi «Urgut», «Ǵijduwan», «Qoqan» hám «Hazarasp» erkin 
ekonomikalıq zonaların shólkemlestiriw haqqında»ǵı 2017-jılı «Erkin 
ekonomikalıq zonalar xızmetin jedellestiriw hám keńeyttiriwge tiyisli 
qosımsha ilajlar haqqında»ǵı pármanları tiykarında búgingi kúnde 
(2018) elimizde 10 aymaqta 14 erkin ekonomikalıq zona xızmet kórset-
pekte. «Nawayı», «Angren», «Jizzax», «Urgut», «Ǵijduwan», «Qoqan» 
hám «Hazarasp» erkin ekonomikalıq zonalarında 62 joybar ámelge 
asırılǵan, 4 mıń 600 den artıq jumıs ornı jaratılǵan. Farmacevtika 
tarawına qánigelesken «Nukus-farm», «Zomin-farm», «Kosonsoy-
farm», «Sırdárya-farm», «Baysın-farm», «Bostanlıq-farm», «Parkent-
farm» sıyaqlı 7 jańa kárxananı qurıp paydalanıwǵa tapsırıw jumısları 
izshil alıp barılmaqta. Prezidenttiń 2016-jıldaǵı pármanına muwapıq 
«Nawayı» erkin industrial-ekonomikalıq zonası, «Angren» hám «Jizzax» 
arnawlı industrial zonaları atın birdey etiw maqsetinde olar bunnan 
bılay «Nawayı», «Angren» hám «Jizzax» erkin ekonomikalıq zonalar dep 
júrgiziletuǵın boldı.