Ozbek-Tariyx-1-70-(каракалпак). indd

Puqaralar jıyını
Posyolkalar
 
puqaralar jıyını
Máhálleler puqaralar 
jıyını
Awıl hám mákan
puqaralar jıyını

---

25
Solay etip, puqaralar jıyını belgili múddette toplanıp is júrgizetuǵın 
ózin-ózi basqarıw quralı bolsa, baslıq, onıń másláhátshileri turaqlı 
xızmet kórsetiwshi struktura bolıp esaplanadı.
Prezidenttiń 2017-jıldaǵı pármanı tiykarında puqaralar jıyınlarınıń 
birlespesi sıpatında puqaralardıń ózin-ózi basqarıw uyımları xızmetin 
muwapıqlastırıw boyınsha Respublika keńesi dúzildi. Ózbekstan 
Respublikası Bas ministri, Qaraqalpaqstan Respublikası Joqarǵı 
Keńesi Baslıǵı, wálayatlar hám Tashkent qalası, rayonlar hám qalalar 
hákimlerine tiyislisinshe Respublika keńesi, aymaqlıq keńeslerge jámáát-
shilik tiykarında basshılıq etiwi belgilendi. Respublika keńesinde 
shólkemlestiriwshilik isler hám metodikalıq máseleler boyınsha baslıq 
orınbasarı, sonday-aq, Respublika keńesi hám de aymaqlıq keńeslerde 
jaslar isleri, diniy-aǵartıwshılıq máseleler, qariyalar hám nuraniylardıń 
jumısları boyınsha baslıq orınbasarları lawazımları engizildi. Puqara-
lardıń ózin-ózi basqarıw uyımlarında jámáátshilik tiykarında xızmet 
kórsetetuǵın puqaralar jıyını baslıǵınıń orınbasarı — jaslar máseleleri 
boyınsha másláhátshi lawazımı engizildi.
Óz betinshe jumıs.
Ózbekstan Respublikasınıń Konstituciyası 99–105-statyaları mazmu-
nın tema menen baylanıstırıń. Mısallar keltiriń.
Saylaw sisteması.
Ózbekstanda demokratiyalıq jámiyetke tán saylaw 
sisteması júzege keliwinde xalıqaralıq huqıq standartları hám talaplarına, 
aldınǵı shet el tájiriybesine tán say-
law nızamshılıǵı jaratılıwı úlken 
áhmiyetke iye.
Dáslep saylaw sistemasın jolǵa 
qoyıw maqsetinde «Ózbekstan Res-
publikasınıń referendumı haqqında» 
hám «Ózbekstan Respublikası Pre-
zidenti saylawı haqqında» (1991-jıl 
18-noyabr) nızam qabıllandı. XX 
ásirdiń 90-jıllarınıń basında saylawlar, 
saylaw ótkeriw tártipleri haqqında bir 
qatar nızamlar qabıllandı. Sonnan, 
«Ózbekstan 
Respublikası 
Oliy 
2016-jılı 14-dekabrde saylanǵan
Ózbekiston Respublikası Prezidenti
Shavkat Miromonovich Mirziyoyev

---

26
Majlisine saylaw haqqında»ǵı, «Xalıq deputatları wálayat, rayon hám 
qala Keńeslerine saylaw haqqında»ǵı hám «Puqaralar saylaw huqıqlarınıń 
kepillikleri haqqında»ǵı nızamlar bar.
Saylawlar Oraylıq saylaw komissiyası tárepinen shólkemlestiriledi, 
komissiya 1998-jıldan baslap ǵárezsiz waqıtsha uyım sıpatında jumıs 
baslaǵan bolsa, 2014-jıldan baslap turaqlı uyım sıpatında dúzildi. Oraylıq 
saylaw komissiyası hám onıń aǵzaları óz jumısın hárqanday mámleketlik 
uyımları, jámáátlik birlespeleri hám lawazımlı shaxslardan ǵárezsiz 
ámelge asıradı.
Ózbekstan Respublikasınıń Konstituciyası hám nızamlarda 18 jasqa 
tolǵan puqaralardıń saylaw huqıqına iye ekenligi, Ózbekstan Prezidenti 
saylawı, Oliy Majlis saylawı, xalıq deputatları wálayat, rayon hám qala 
Keńesleri saylawı ulıwma, teń, tuwrıdan-tuwrı saylaw huqıqı tiykarında 
jasırın dawıs beriw jolı menen ótkiziliwi bekkemlep qoyılǵan.
Hárbir puqara — saylawshı bir dawısqa iye. 35 jastan kem bolmaǵan 
puqara Ózbekstan Respublikası Prezidenti, 25 jasqa tolǵanlar Oliy 
Majliske, 21 jasqa tolǵanlar wálayat, rayon hám qala Keńeslerine deputat 
etip saylanıw huqıqına iye.