Ozbek-Tariyx-1-70-(каракалпак). indd

Sabaqlıqtıń qoljazbası ÓzRIA Ózbekstannıń eń jańa tariyxı máseleleri boyınsha 
muwapıqlastırıwshı-metodikalıq orayında, «Ózbekstan ǵárezsizlikke erisiwiniń tariyxıy shárt-
sharayatları: jámiyetlik-siyasiy, ekonomikalıq hám mádeniy faktorlar» atlı 
ПЗ
-20170929749- 
joybarı sheńberinde tayarlandı.
Respublika maqsetli kitap qorı qarjıları esabınan basıp shıǵarıldı.
UOK 94(575.1)(075.3)=222.8
KBK 63.3(5O‘)ya721
© N. Juraev, A. Zamonov, 2018
© «Ǵafur Ǵulam» 
atındaǵı baspa-
poligrafiyalıq dóretiwshilik úyi
, 2018
© «Bilim» baspası, 2018.

---

3
KIRISIW
XX ásirdiń sońǵı jılları hám XXI ásirdiń basında Ózbekstan 
tariyxı ushın pútkilley jańa bet ashıldı. Ol tariyxıy dáwir sıpatında 
túpkilikli burılıs hádiysesin baslap berdi. Ózbekstannıń sovet sisteması 
sharayatındaǵı aqırǵı jılları hám ǵárezsiz rawajlanıw dáwiri xalqımızdıń 
birneshe mıń jıllıq tariyxında óziniń mazmunı, mánisi, proceslerdiń 
tezligi, waqıya-hádiyselerdiń pát penen rawajlanıwı menen ayrıqsha 
ajıralıp turadı. 
Sabaqlıqta Ózbekstannıń Mámleketlik ǵárezsizligine erisiwi, jańa 
jámiyetke ótiw dáwirinde siyasiy reformalardıń ámelge asırılıwı, Ózbek-
standa huqıqıy demokratiyalıq mámleket qurılıwı, puqaralıq jámiye-
tiniń qáliplestiriliwi, ekonomikalıq reformalardı tereńlestiriwge tiyisli 
ilajlar, ruwxıy pákleniw hám milliy qádiriyatlardıń tikleniwi hám de 
Ózbekstannıń dúnya keń jámiyetshiliginen múnásip orın iyelewi sıyaqlı 
máseleler imkan barınsha óz kórinisin tapqan.
Kóp mıń jıllıq rawajlanıw jolın basıp ótken hám ótmishte úlken 
tariyxıy ilgerilewler menen birge, hálsirewler hám krizislerge gúwa 
bolǵan xalqımız turmısında XX ásirdiń aqırı hám XXI ásirdiń 
basları úlken áhmiyetke iye. Mine, usı dáwirde xalqımız dóretken 
ullı qurılıslar, siyasiy, ekonomikalıq, huqıqıy, jámiyetlik hám ruwxıy 
tarawdaǵı jetiskenlikler Ózbekstannıń bunnan keyingi uzaq keleshekke 
gózlengen rawajlanıwına tiykar bolıp xızmet etedi. Usı dáwirdiń 
mazmunı — pútkilley jańa dúzim, jańasha turmıs tárizi, zamanagóy 
jáhán civilizaciyası talaplarına juwap bere alatuǵın aqılıy jetisklenlik, 
intellektual imkaniyat penen baylanıslılıǵı úlken áhmiyetke iye. Eger 
ǵárezsizlik dáwiri tariyxıy jaqtan qısqa bolsa da, koloniyallıq dúzim 
qısımınan shıǵıp ketiw, pútkil bir xalıqtıń ǵárezsizligi hám erkinligin 
támiyinlew sıyaqlı oǵada qarama-qarsılıqlı, qorqınıshlı hám qáwipli, 
sonıń menen birge áhmiyetli procesti bastan ótkerdi. 
Ózbekstan Respublikasınıń ǵárezsizlik jıllarında basıp ótken 
jolınıń mazmun-mánisi hám ózgesheliklerin obyektiv bahalaǵan 
halda ǵárezsizlik dáwirin tómendegi eki basqıshqa bólip úyreniw 
maqsetke muwapıq bolar edi.