Ozbek-Tariyx-1-70-(каракалпак). indd

1) 1991 — 2016-jıllar.
Bul dáwirde 
milliy mámleketshillik tiykarları hám sociallıq baǵdarlanǵan bazar 

---

4
ekonomikasın júzege keltiriwge qaratılǵan ótiw dáwiriniń dáslepki 
reformalar procesine jańa qádemler qoyıldı. Demokratiyalıq standartlar 
tiykarında jańa mámleketlik basqarıw sisteması — nızam shıǵarıwshı, 
atqarıwshı hám sud hákimiyatı dúzildi hám de puqaralıq jámiyeti 
tiykarları jaratıldı, erkin bazar ekonomikasına ótile baslandı. 2000-jıldan 
baslap elde jedel demokratiyalıq jańalanıw hám modernizaciya-
law procesleri baqlandı. Sonıń ishinde, kúshli mámleketten — kúshli 
puqaralıq jámiyetine basqıshpa-basqısh ótiw tiykarǵı wazıypa etip 
qoyıldı. Nátiyjede, eldiń siyasiy hám ekonomikalıq turmısında 
demokratiyalastırıw hám liberallastırıw procesleri tereńlesti, insan 
haq-huqıqları hám erkinliklerin qorǵawshı ǵárezsiz sud sisteması 
bekkemlendi, puqaralıq jámiyeti tiykarları rawajlandı. 2010-jıldan baslap 
demokratiyalıq reformalar hám mámleketti modernizaciyalaw procesin 
jáne de tereńlestiriw máselesi alǵa súrildi. Onıń baslanıwı Ózbekstannıń 
Birinshi Prezidenti Islam Karimov tárepinen elde puqaralıq jámiyetin 
qáliplestiriw hám demokratiyalıq reformalardı jáne de tereńlestiriw 
koncepciyasınıń islep shıǵılıwı menen baylanıslı. Sonday-aq, bul dáwir 
mámleketlik hákimiyatı hám basqarıwın jáne de demokratiyalastırıw, 
sud-huqıq sisteması, málimleme tarawın reformalaw, sóz erkinligin 
támiyinlew, saylaw nızamshılıǵın jetilistiriw, demokratiyalıq bazar 
reformaların tereńlestiriwge qaratılǵanlıǵı menen xarakterlenedi.
2) 2017-jıldan keyingi jıllar.
Bul dáwir tariyxı 2016-jıl, dekabr ayında 
saylanǵan Ózbekstan Prezidenti Shavkat Mirziyoevtiń strategiyalıq 
rawajlanıwǵa tiykarlanǵan keń kólemli jedel reformalar dáwiri bolıp 
esaplanadı. Nátiyjede, turmısımızǵa jańa sózler (frazalar): «xalıq penen 
sáwbetlesiw», «xalıq qabıllawxanaları», «virtual qabıllawxana», «sın 
talqılaw», «qatań tártip-intizam», «arzan úyler», «texnoparkler», «óz 
balańdı óziń qorǵa», «jol kartası», «kepilliklengen qáwipsizlik» sıyaqlı 
túsinikler kirip keldi hám turmısımızdıń ajıralmas bólegine aylandı.