Ozbek-Tariyx-1-70-(каракалпак). indd

Este saqlań!
Ózbekstan Respublikası Qurallı Kúshleriniń tómendegi áskeriy 
okrugleri dúzildi:
1. Arqa-batıs áskeriy okrug (Qaraqalpaqstan Respublikası, Xorezm 
wálayatı);
2. Qubla-batıs arnawlı áskeriy okrug (Buxara, Nawayı, Qashqadárya 
hám Surxandárya wálayatları);
3. Oraylıq áskeriy okrug (Samarqand, Jizzax, Sırdárya wálayatları);
4. Tashkent áskeriy okrugi (Tashkent qalası hám Tashkent wálayatı);
5. Shıǵıs áskeriy okrugi (Andijan, Namangan, Ferǵana wálayatları).

---

20
Respublikası Prezidenti lawazımı boyınsha usı Keńestiń baslıǵı
esaplanadı. Qáwipsizlik Keńesi óziniń májilislerine waqıtsha ráwishte 
Ózbekstan Respublikasındaǵı hárqanday lawazımlı shaxstı shaqırıwı 
múmkin. Keńes májilisi dawamında bildirilgen usınıs hám pikirler 
kópshiliktiń dawısı menen qabıllanadı hám mámleket Prezidenti tiyisli 
qarardı tastıyıqlaǵannan soń kúshke kiredi.
Este saqlań!
2018-jılı 10-yanvarda Ózbekstan Respublikası Prezidenti ja-
nındaǵı Qáwipsizlik Keńesiniń dáslepki keńeyttirilgen, ashıq, 
videokonferenciya jıynalısı bolıp ótti. Onda Ózbekstan Qurallı Kúsh-
leriniń jawıngerlik jaǵdayǵa tayarlıǵı burınǵı 5 kúnnen búgingi 
kúnde 3 saatqa jetkizilgeni aytıp ótildi.
Elimizde dáslepki ret 1996-jılı 24-aprelde Oliy Majlistiń besinshi 
sessiyasında maqullanǵan tórt bólim, jigirma segiz statyadan ibarat 
bolǵan «Milliy qáwipsizlik haqqında»ǵı Nızam joybarı dodalandı. Milliy 
qáwipsizlik sistemasın qáliplestiriw, milliy qáwipsizlikti támiyinlew 
boyınsha wazıypalar hám olardı ámelge asırıw principlerin huqıqıy 
normalarda belgilep beretuǵın, pútkilley jańa hújjet sıpatında kórip 
shıǵıldı. 1997-jılı avgust ayında Oliy Majlistiń IX sessiyasında Ózbekstan 
Respublikasınıń Milliy qáwipsizlik koncepciyası qabıllandı.
Shet el tájiriybesinde milliy qáwipsizlik degende kóbirek mámleketlik 
qáwipsizligi túsiniledi. Bul boyınsha Ózbekstan ózine tán jolına iye. 
Sonlıqtan, máselege bunday múnásibet milliy qáwipsizlik mashqalasınıń 
mánisin birqansha qısqartadı. Durıs, milliy qáwipsizlikte áskeriy hám 
mámleket qáwipsizligi máseleleri tiykarǵı orındı iyeleydi. Biraq milliy 
qáwipsizlik degende tek ǵana usılardıń ózi ǵana túsinilmeydi.
Mámleketimiz Prezidenti Shavkat Mirziyoev baslaması menen 
2018-jılı 9-yanvarda «Ózbekstan Respublikası Qorǵanıw doktrina-
sı haqqında»ǵı nızam qabıllandı. Nızam globallasıw sharayatında 
xalıqaralıq hám regionallıq qáwipsizlikke qáwipler kúsheygen jaǵday-
da geosiyasiy qarama-qarsılıq, kúsh jumsaw, sonıń ishinde, ǵalabalıq 
qırǵın quralın qollanıw itimalınıń artqanlıǵı, xalıqaralıq terrorizm hám 
ekstremizmniń kúsheygenligi, málimleme orayında óz ara gúrestiń 
kúsheygenligine qarsı tura alıw máselelerine kepillik beredi.

---

21