Ovqatlantirish korxonalarining ahamiyati va

Ekspress-barlar (bir zumda xizmat qilish)-savdo markazlarida, mehmonxona va vokzallarda faoliyat ko‘rsatadi. Mahsulotlar assortimenti bar vazifasiga mos tushishi kerak: buterbrod, qiymalangan go‘shtlar non betiga qo‘yilgan taomlar, har xil qandolat va sut mahsulotlarini taklif qiladi. Tik turib ovqatlanib ketadigan barlarda taomlar assortimenti cheklangan bo‘ladi. Mijozlarga-bifshtekslar, langetlar, parranda go‘shtidan tayyorlangan taomlar, chanqov-bosdi ichimliklar, sharbat, kokteyl yoki kofelar beriladi.

Pivo barlari-maxsus joylarda pivo qo‘yib sotiladi yoki shishalarda beriladi.

Qo‘yib sotiladigan pivolar maxsus idishlardan yoki ishlab chiqargan zavod

avtotsis-ternasidan bevosita avtomatlar orqali qo‘yib sotilishi mumkin. Savdoda

mevali va mineral suvlar bo‘lishi tavsiya qilinadi. Hisob-kitob ofitsiantlar cheki

orqali, o‘z-o‘ziga xizmat qilish joylarida bufetchi yoki sotuvchiga to‘lanadi.

Pivo barlari pivo sotish bilan birga issiq va sovuq gazaklarni ham taklif

etadi. Bular jumlasiga: buterbrod, pivoga mos keladigan pishloqlar, har xil

tuzlangan narsalar, quritilgan baliq, qalamcha qilib qovurilgan kartoshka,

quritilgan qora non, teshik kulcha, sho‘rdanak, sho‘rbodom va boshqalar kiradi.

Vino barlari-mehmonxonalar, restoran, kafelar qoshida faoliyat ko‘rsatadi.

Yengil Ovqatlantirish, vaqti cheklangan, shoshilgan odamlar tez tamaddi qilib

ketishi uchun juda qulay joy hisoblanadi. Bunday barlar yirik restoranlar ichida

joylashgan bo‘lsa, do‘stlar bilan uchrashish, mehmonlar kutish, suhbatlar qurishi

choy yoki kofe ichib ketishlari mumkin.

Gril-barlar-savdo markazlarida, shahar ichida, dam olish joylarida, odamlar

gavjum magistrallarda, restoranlarda joylashgan bo‘ladi. Gril-barda mijoz tansiq va

noyob taomlarni buyurtma qilishi mumkin. Bu yerdagi taomlar assortimenti

mijozning tezlik bilan ovqatlantirishiga imkon beradi. Bu barlarda eng ko‘p

tarqalgan taomlardan qovurilgan baliq, jo‘ja, kabob, bifshteks bo‘ladi. Grilbarlarda

taom mijozning ko‘z oldida tayyorlanadi. Gril-barlarda bar peshtaxtalari

ro‘parasida stolyarimr yoki uzun kursilar qo‘yiladi. Peshtaxtaning ichki tomonida

sotuvchi xizmat qiladi. Taomni yarim tayyor mahsulotlardan uning o‘zi

tayyorlaydi.

Kafe-mijozlar ovqatlantirishi va dam olishini ta’minlaydi. Restoran

mahsulotlariga qaraganda ularning assortimenti kam. Kafe firma va buyurtma

taomlar tayyorlash, mijozlarga yetkazib berishdek vazifani bajaradi. Bularning

assortimenti cheklangan va taom tayyorlanishi murakkab bo‘lmaydi. Kafeda issiq

choy, kofe, kakao, muzday sharbatlar, mineral suvlar, qatiq-sut, qandolat va shirin

taomlar mavjud bo‘ladi. Birinchisiga sho‘rva, ikkinchisiga tayyorlanishi oson

bo‘lgan, qovurilgan tuxum, sosiska, sardelka, qo‘ymoqlar berilishi mumkin.

Alkogolsiz kafeda ichimliklar assortimentidan vino-aroq olib tashlanadi,

alkogolsiz ichimliklar va qandolat mahsulotlari sotish ko‘paytiriladi. Bu kafelarda

diskoteka xizmati mavjud bo‘lib, unda to‘ylar, yubileylar, oilaviy tushliklar, yangi

taom va mahsulotlar ko‘rgazmasi o‘tkaziladi. Mahsulot assortimenti va mijozlar

tarkibiga qarab kafelar ikki guruhga bo‘linadi:

--assortimenti bo‘yicha mahsulotlarni sotish-muzqaymoq kafesi, qandolatlar

kafesi, sut mahsulotlari kafesi;

--iste’molchilar tarkibi bo‘yicha - yoshlar kafesi, bolalar kafesi va hokazo.