O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Mustaqil ishlarga ko‘rsatmalar
O‘qituvchi mustaqil ish soatlarini uyushtirishga tayyorgarlik ko‘rar ekan, o‘quvchilarning mustaqil o‘rganishlari uchun o‘quv materiallarini tanlaydi, o‘quv faoliyati, maqsadi, vazifasi, natijasi va uning baholash mezonini belgilaydi. O‘qituvchilar o‘quvchilar tomonidan bajarilgan mustaqil ishlarni o‘z vaqtida yig‘ib, baholab, ularning eng yaxshi natijalarini metod xonaga topshiradilar. O‘quvchilarning joriy nazorat, oraliq nazorat va yakuniy nazorat ishlarini baholash jarayonida ularni ushbu fandan nazariy va amaliy bajargan mustaqil ishlarining natijalarini hisobga olgan holda baholanadilar.
O‘quvchilarning mustaqil ishlarini baholash tartibi: har bir fan o‘qituvchisi o‘z fani bo‘yicha o‘quvchilarga fanning chuqur o‘zlashtirishni ta’minlashlari uchun nazariy va amaliy jihatdan mustaqil ishlar berish va natijalarini baholash bo‘yicha alohida qayd jurnali yuritadi, hamda har 45 kunda guruh o‘quvchilarining mustaqil ish natijalari fan kafedralarida muhokama qilinib, natijalar umumlashtiriladi. Har 45 kunda mustaqil ish natijalari o‘rganilib, metod xonada “monitoringi” chiqarib qo‘yiladi. O‘quvchilarda o‘z bilimini tekshirish malakasini rivojlantirish maqsadida uyda kitob bilan ishlash orqali darsda olingan bilimlarini mustahkamlash, qo‘shimcha adabiyot, ro‘znoma, jurnallardan yangiliklarni o‘rganish, o‘quvchilarning o‘quv materiali mazmunini tushunish uchun ularni reja asosida o‘qish, korreksion-rivojlantiriuvchi didaktik o‘yinlar, konspekt yozish kabi amaliy ishlarga o‘rgatiladi. O‘quvchilarni mashg‘ulotga jalb qilish uchun mustaqil soatni noan’anaviy usullarda va har xil o‘yinlardan foydalangan holda tashkil etiladi. Mustaqil soatlarda o‘qituvchi va o‘quvchi hamkorlikda ishlaydi.
5. Mustaqil ishni tashkil etishning shakli va mazmuni
Mustaqil ishning asosiy maqsadi o’qituvchining rahbarligi va nazorati ostida o’quvchilarda muayyan o’quv ishlarini mustaqil ravishda bajarish uchun zarur bo’lgan bilim va ko’nikmalarni shakllantirish va rivojlantirishdan iborat.
O’quvchilar uchun mustaqil ishning vazifalari quyidagilardan iborat.

• 
  yangi bilimlarni mustaqil tarzda puxta o’zlashtirish ko’nikmalariga ega bo’lish;
  
• 
  kerakli ma’lumotlarni izlab topishning qulay usullari va vositalarini aniqlash;
  
• 
  axborot manbalaridan samarali foydalanish;
  
• 
  an’anaviy o’quv va ilmiy adabiyotlar, me’yoriy hujjatlar bilan ishlash;
  
• 
  Internet tarmog’idan maqsadli foydalanish;
  
• 
  berilgan topshiriqning ratsional yechimini belgilash;
  
• 
  ma’lumotlar bazasini tahlil etish;
  
• 
  topshiriqlarni bajarish ishiga tizimli va ijodiy yondashish;
  

Mustaqil ta’lim o’quvchilarning, nazariy bilimlarini yanada boyitish, darsdan tashqari holatda mustaqil bilim ko’nikmalarini egallashlari uchun manba bo’lib xizmat qiladi.

Tavsiya etilayotgan mustaqil ishlarning mavzulari:

1. 
   Defektologiya fanining maqsad va vazifalari.
   
2. 
   Aqli zaif bolalar tavsifi.
   
3. 
   Ruhiy rivojlanishi sustlashgan bolalar.
   
4. 
   Ko’rishida nuqsoni bor bolalar.
   
5. 
   Eshitishida nuqsoni bo’llgan bolalar.
   
6. 
   Nutqida nuqsoni bo’lgan bolalar.
   
7. 
   Nutqidagi nuqsonlarni oldini olish.
   
8. 
   Harakat-tayanch a’zolari jarohatlangan bolalar.
   
9. 
   Murakkab nuqsonli bolalar.
   
10. 
    Rivojlanishida nuqsoni bor bolalar tashxisi.
    
11. 
    Tibbiy-pedagogik psixologik komissiya faoliyati.
    
12. 
    O’zbekistonda rivojlanishida nuqsoni bor bolalar uchun tashkil etilgan muassasalar va ularning faoliyati.