O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Fanning maqsadi va vazifalari
Fanning maqsadi: O‘quvchilarga maxsus maktabgacha ta’lim muassasalarida nuqsonli bo‘lgan bolalarning kamchiliklarini aniqlash, o‘rganish, bartaraf etish qonuniyatlarini bilib olish. Ravon va to‘g‘ri nutqning yuzaga chiqarishga oid ishlarini rejalashtirish va o‘tkazish usullari haqida tushuncha berish. Shuningdek, umumta’lim maktabda muvaffaqiyatli o‘qishlari uchun zamin yaratish va jamiyatning faol a’zolariga aylantirish.
Fanning vazifalari: O’quvchilarni kasbiy malakalarni egallash va kasbiy faoliyatga qo’llashda defektologik bilimdonlikning zaruriy asoslarini tarkib toptirishdan iboratdir. Fanning nazariy, amaliy mavzularini o’qitishda interfaol uslublarni keng qo’llash, virtual vositalardan (multimediya, prezentatsiya) foydalanish orqali bilimlarni tez, oson o’zlashtirib, uzoq vaqt xotiralarida saqlashlariga yordam berish.
Fan bo’yicha o’quvchilarning bilimi, ko’nikma va malakalariga qo’yiladigan talablar
Bilimlar: Maktabgacha yoshdagi bolalarda uchraydigan kamchiliklarini aniqlash, tekshirish va bartaraf etish metodikalarini o‘rgatish. O‘quv mashg‘ulotlarini turli shakllarda suhbat, amaliy ish, bahs-munozara, ilg‘or pedagogik innavotsion va axborot texnologiyalaridan foydalanib o‘tkazish.
Ko‘nikma: Maktabgacha yoshdagi bolalarda uchraydigan nutq kamchiliklarini aniqlash, tekshirish va bartaraf etish metodikalarini ta’riflab berish, malaka va ko‘nikmalarini ta’lim jarayonida qo‘llash;
o‘quvchilar mustaqil bilim olish jarayonining tashkiliy va o‘quv uslubiy ta’minoti; turli ko‘rinishdagi mashg‘ulotlarni yangi pedagogik va axborot texnologiyalaridan foydalangan holda o‘tkazish. Shuningdek, o‘quvchilar maxsus pedagogika bo‘yicha o‘quv uslubiy materiallarini ishlab chiqish ko‘nikmasiga ega bo‘lishi lozim.
Malaka:
-кorreksion pedagogikasi asosida turli yosh guruhidagi bolalarga individual munosabatda bo’lish;
-mavzular asosida mustaqil izlanish – axborot vositalaridan kommunikatsion texnalogiyalari, internet saytlari, ommaviy axborot vositalaridan (gazeta, jurnal, teleko’rsatuvlar, qo’shimcha adabiyotlar, uslubiy tavsiyalardan) foydalana olish;
-amaliyotda elementar tajribalar o’tkazish va natijalarni tahlil qila olish malakalariga ega bo’lishlsri kerak.