O‘rтa maxsus, kasb-hunar тa’limi markazi

147-mashq. «O‘zbekistonning buyuk allomalari» mavzusida matn tuzing. Unda kirish so‘z, kirish birikma va undalmalardan foydalaning.
148-mashq. «O‘g‘lim, senga aytaman» mavzusidagi publitsistik maqo­lani o‘qing. Maqolaning turli o‘rinlarida tinglovchining diqqatini jalb etuvchi kirishlardan foydalaning.

Shayton bor narsa va u yoningda emas, qoningda aylanadi. Odamlar ko‘rsa uyat bo‘ladiganki narsani, bilginki, shayton buyurdi! Hazrati Navoiyda shunday gap bor: birovning oldida aytish mumkin bo‘lmagan gaplarni, qilish mumkin bo‘lmagan ishlarni kimsa yo‘g‘ida ham aytmasa, qilmasa, o‘sha odam donodir. Ayni yolg‘iz qolganingda o‘zingni qattiq poyla, jilovingni mahkam tut. O‘zingga podshoh o‘zingsan, buyur vujudingga, aytganingni qilsin! Agar ayb ishdan tiyilsang — demak, o‘zingni boshqaryapsan. Agar xato qilsang, bilgingki, shaytonga xizmat qilyapsan! Shaytonga xizmat qildingmi, yutqizishlaring boshlanadi! Yutqizishlarga uchradi degan gap baxtli bo‘lolmadi, deganidir.

Ota-onang esa seni faqat baxt uchun, baxtga atab dunyoga keltirganlar. Seni suvda emas, duolarda cho‘miltirganlar, ismingni ham Baxtiyor, Komron, Zafar, Dilshod, Xushnud, Omad, Maqsud, Umid deb qo‘ydilar! Shu ismlarga munosib umr ko‘rishingni xudoyimdan tun-u tong yig‘lab tilaydilar. Ilinj ila ehsonlar qilib, eldan duo yig‘adilar. O‘qitadilar, hunar­mand qiladilar. Seni baxtli ko‘ray deb, sochlari oqarib, tishlari to‘kilguncha kuymalanib o‘ta­dilar... O‘zingni yig‘ishtir, ularni noumid qilma, shu ikki buyuk xaridoring uchun baxtli yashab bergin, o‘g‘lonim! Agar astoydil xohlasang, bu sening qo‘lingdan keladi, chunki buyruq o‘zingdan, ijro o‘zingda!


149-mashq. «Ilm — aql chirog‘i» mavzusida suhbat qiling. Suhbatin­gizda qarabsizki, aytgancha, marhamat, shukur, tavba, aslida, umuman, aftidan, bizningcha, demak, xulosa qilganda kabi kirish so‘zlardan ham foydalaning.