Органик бирикмаларнинг тузилиши ва реакцион қобилияти 1-қ

11. МЕЗОМЕРИЯ ВА ФАЗОВИЙ ТАЪСИР

Фазовий қаршилик туфайли таъсир қилувчи гурухланинг мезомер таъсири камаяди, чунки электронларнинг туташиш текисликлари (копланарлиги) ўзгаради. Бу эса молекуланинг қутибланишига ва бошқа физик ва кимёвий хоссаларига ўз таъсирини кўрсатади. Масалан, нитробензол ва диметиланилин хосилаларининг диполь моментлари қуйдаги қаторда камайиб боради :

3.95 D	3.64 D	1.58 D	1.03 D

Копланарликнинг бузилиши фазовий қаршилик туфайли C-N боғи атрофида бурилиш билан содир бўлади. Х -N(CH₃)₂, -OCH₃ ва –NO₂ бўлганда бирикмалардаги бундай бурилиш мос равишда 65, 49 ва 54 ни ташкил килади. Бундай бурилиш натижисида мезомер таъсир 58 %, 35 % ва 41 % га камаяди. Бурилишни рентгенструктура анализи ҳамда УБ-спекторлари тасдиқлайди.
Мисоллар.

1. 
   о- ва п-этилбензой кислоталарининг кучини таққосланг.
   

Ечиш: Фазовий қийинчилик туфайли о-этилбензой кислотаси молекуласида бензол ядроси билан гуруҳининг копланарлиги бузилади ва ядронинг М таъсири кескин камаяди ва кислотанинг кучи ортади. Шунинг учун о-этилбензой кислота п-этилбензой кислотасидан кучлидир.

2. 
   2,4,6-учнитроанилин кучли кучли асосми ёки 2,4,6-учнитро-N,N-диметиланилин кучли асосми?
   

Ечиш: 2,4,6-учнитро-N,N-диметиланилиннинг асослилиги 2,4,6-учнитроанилиннинг асослилигидан катта. Бунинг 2 та сабаби бор.
Биринчи сабаб:
2,4,6-учнитро-N,N-диметиланилиннинг азот атомида жойлашган иккита метил гуруҳининг мусбат индукцион I таъсири туфайли азот атоми атрофидаги электрон зичлик ортганлиги учун бу бирикмадаги асослик ҳам 2,4,6-учнитроанилиннинг асослилигидан катта бўлади.

Иккинчи сабаб:
Фазовий қийинчилик туфайли 2,4,6-учнитро-N,N-диметиланилиндаги бензол ядроси Билан N,N-диметиламино- гуруҳининг копланарлиги кўпроқ бузилади:

Бунинг натижасида асосликнинг камайишига сабаб бўлувчи N,N-диметиламин- гурухи азот атомининг мусбат мезомер таъсири хам камаяди, азот атомининг асослиги ортади:

Бу сабаб 2,4,6-учнитро-N,N-диметиланилин асослигининг 2,4,6-учнитроанилиннинг асослилигидан катта бўлишининг асосий сабабидир.

3. 
   қуйдаги бирикмаларнинг асослиги қайси тартибда ортади:
   

1. N,N-диметиланилин
2. Бензхинуклидин
3. Хинуклидин

Ечиш: Азот атомининг бензол ядросига нисбатан кўрсатадиган мусбат мезомер таъсири М туфайли N,N-диметиланилиннинг асослиги алифатик аминлар ёки бизнинг мисолимиздаги бензхинуклидин асослилигидан асослигидан кичик бўлади:

Бензхинуклидин молекуласида фазовий кийинчилик туфайли бу таъсир кескин камаяди, асослик эса ортади. Хинуклидин молекуласидаги азотнинг асослилиги энг катта бўлади.