O’quvchilarni hamkorlikda ishlashga, ulardagi emotsional zo’riqishlarni bartaraf etishga doir trening mashg’ulotlari har bir mashg’ulot 4 bosqichdan iborat

"Оила тасвири"
Ушбу ўйин аввалгиси билан боғлик бўлиб, бунда доска ёки плакатда ёзилган афсоналар рўйхати гуруҳ иши учун материал бўлиб хизмат қилади.
Мақсад: Оиладаги турли хил наҳаққоний муносабат шаклларининг оила аъзолари ҳаётига салбий таъсирини аниқлаш.
Материаллар: Оила ҳаётидаги "афсона"лар рўйхати, "Оила тасвири" деб номланувчи оиланинг ҳамма аъзолари шартли равишда тасвирланган плакат, маркерлар ёки 3 хил рангли елим қоғозлар.
Ўйин давомийлиги: 10-15 мин.
Ўйиннинг бориши: иштирокчилар учта кичик гуруҳга бўлинишади. Ҳар бир гуруҳ аъзолари оила ҳаётига оид афсоналарга мурожаат этган ҳолда ушбу самарасиз ҳаёт услублари оила аъзоларининг қайсиларига салбий таъсир этишини таҳлил этишади.
Кейин эса ҳар бир гуруҳдан бир киши ўртага чиқади ва "Оила тасвири" плакати олдида туриб ҳар бир афсона оила аъзоларидан қайси бирига кўпроқ таъсир этиши ҳақида ўз кичик гуруҳининг фикрини баён этади.
Бошловчи иштирокчиларининг муҳокамасидан сўнг улар билан биргаликда қуйидагича хулоса қилиши мумкин: "Кўриниб турибдики, оила аъзоларидан бирининг ножўя хулки оиланинг ҳамма аъзоларига салбий таъсир этади".


"Автобус"
Мақсад: Иштирокчилар орасида ўзаро ишончни ривожлантириш ва гуруҳда ишчанлик муҳитини яратиш.
Иштирокчилар икки гуруҳга бўлинадилар. Бошловчи улар иккита автобусда жойлашишлари кераклигини айтади. Автобус ўриндиқлари сифатида стуллардан фойдаланиш мумкин. Иштирокчилар стулларга бир-бирларига қарама-қарши жойлашиб ўтирадилар. Ҳамма икки автобусга жойлашиб бўлгач, бошловчи биринчи автобус юрмаслигини, у бузилиб қолганлигини маълум қилиб, ҳамма иккинчи автобусга ўтиши кераклигини айтади. Бу ўйин бошловчига гуруҳга иштирокчилар орасида бир-бирига ишончни ривожлантиришга ёрдам беради. Иштирокчилардан бири сўнг манзилга етиб келганларини айтади ва ҳамма бир бирига самимий тилак билдириб хайрлашади.
Тренинг охирида тренер ўз фикрини билдиради ва иштирокчиларга самимий тилаклар билдириб хайрлашади.