O’quv yili uchun o’zbekistonning eng yangi tarixi fanidan m a ‘ ruzamatn I barcha yo’nalishlar uchun namangan 2020

O‘zbekistonning eng yangi tarixi fanning obyekti-1991 yil 31 avgustdan O‘zbekistonda huquqiy demokratik davlat va erkin fuqarolik jamiyati qurish jarayonida davlatning bosh islohotchi sifatidagi faoliyati va fuqarolik jamiyati institutlarining shakllantirish hamda rivojlantirish bosqichlari birligidan iboratdir.

Mazkur kursning predmeti esa-O‘zbekistonda davlat mustaqilligining qo‘lga kiritilishi, mamlakatda fuqarolik jamiyati va huquqiy davlat qurish islohotlarining boshlanganligi va ularni tobora chuqurlashib borayotganligi bilan uzviy ravishda bogiiqdir. Mamlakatda yangi demokratik milliy davlatni barpo etishga monand ravishda fuqarolik jamiyatini shakllantirish va rivojlantirishga doir islohotlarni bosqichma-bosqich ravishda amalga oshishi natijasida yuzaga keladigan jarayonlarni har biri O‘zbekistonning eng yangi tarixi fanning predmeti hisoblanadi.

Islohotlarning chuqurlashib borishi natijasida rivojlanishning yangi «O‘zbek modeli» shakllanib, uni jahon hamjamiyati e’tirof etmoqda. Mamlakat iqtisodiyoti oldingi ittifoq davrida mutlaqo uchramagan bozor iqtisodiyoti munosabatlari asosida rivojlanib bormoqda. Bu holat jamiyatning barcha institutlariga, fuqarolarning dunyoqarashiga kuchli ta’sir ko‘rsatmoqda. Shu bilan birga, O‘zbekistonda demokratik prinsiplar asosida rivojlanib borayotgan «O‘zbek modeli»ga xos jihatlar ham shakllandiki, ular o‘zining milliy shakllari bilan rivojlangan mamlakatlar tajribasi asosida shakllangan jamiyatlardan farqlanadigan jihatlarini ham namoyon etmoqda. Boshqacha aytganda, O‘zbekistonda rivojlanayotgan fuqarolik jamiyati institutlari ham milliy tajriba, ham rivojlangan mamlakatlar tajribasi uyg‘unligi asosida shaklfanib bormoqda. Albatta, yuqorida ko‘rsatilgan jarayonlarni o‘rganish, ilmiy jihatdan tadqiq etish, yosh avlodni demokratik qadriyatlar asosida shakllantirish, fuqarolarni, xususan yoshlarni fuqarolik jamiyati qurishga doir islohotlarda faol ishtirokini ta’minlashga oid yangidan yangi muammolar va vazifalarning paydo bo‘lishi natijasida hayot oliy ta’lim tizimining bakalavr bosqichida O‘zbekistonning eng yangi tarixi fanini o‘qitish zaruratini kun tartibiga qo‘ydi. Umuman olganda, O‘zbekistonning eng yangi tarixi fanini oliy ta’lim tizimining bakalavr bosqichida o‘qitilish zaruratining quyidagi omillari mavjud:

Birinchidan, O‘zbekistonning mustaqil davlat sifatida jahon hamjamiyatidan o‘ziga munosib o‘rinni egallashi, deyarli 126 yil o‘z boshidan mustamlakachilik zulmini kechirgan O‘zbekistonning mustaqil davlat sifatida jahon xaritasida paydo bo‘lishi, albatta, davlat mustaqilligi uchun kurash silliq kechgani yoki o‘z-o‘zidan ro‘y bergani yo‘q. XX asrning 80-yillari ikkinchi yarmida l.A.Karimovning davlat rahbari bo‘lib kelishi, uning boshchiligida markaz bilan davomli kurashlar natijasi o‘laroq, respublikada ro‘y beigan ijtimoiy-iqlisodiy va siyosiy inqirozlarning oldini olish uchun fidoyilarcha mashaqqatli mehnatlar evaziga, shuningdek xalqimizning xohish-irodasi asosida qo‘lga kiritilgan mustaqillik O‘zbekiston Respublikasining suveren davlat sifatida qad ko‘tarishini ta’minladi. O‘zbekiston xalqining ko‘p yillik orzusi—davlat mustaqilligini qo‘lga kiritish, uning iqtisodiy-ijtimoiy va siyosiy rivojlanish salohiyatini yaratish, O‘zbekiston Respublikasi Konstitutsiyasini ishlab chiqish jarayoniga Prezident I.A.Karimov boshchilik qildi. Ayniqsa, uning mustaqillik arafasidagi inqirozli holatlarni bartaraf etish, xalqni o‘zaro nizoiar va urushlardan asrash, yangi milliy davlat va demokratik jamiyat asoslarini yaratish sohasidagi xizmatlari beqiyosdir.