O’quv yili uchun o’zbekistonning eng yangi tarixi fanidan m a ‘ ruzamatn I barcha yo’nalishlar uchun namangan 2020

O‘zbekistonning eng yangi tarixi fani 1991 yil 31 avgustdan shu ona-zaminimizda yashagan xalqimizning hayoti va ularning rivojlanishi jarayonida sodir bo‘lgan o‘zgarishlar, voqealar, ularning turmush tarzi, iqtisodi, madaniyati va shu kabilarni to‘laligicha o‘rganadigan fandir. O‘zbekiston Respublikasining Birinchi Prezidenti I. A. Karimovning shu haqidagi fikrlari katta ahamiyatga egadir. “Mustaqillikka erishganimizdan keyin xalqimizning o‘z yurti, tili, madaniyati, qadriyatlari tarixini bilishga, o‘zligini anglashga qiziqish ortib bormoqda. Bu tabiiy hol. Odamzod borki, avlod-ajdodlari kimligini, nasl-nasabini, o‘zi tug’ilib voyaga yetgan qishloq, shahar, xullaski, Vatanining tarixini bilishni istaydi”.

Har bir fanning o‘z ob'ekti, predmeti, maqsad va vazifalari mavjuddir. Chunki, har bir fan tabiat, jamiyat, shuningdek, yer kurrasidagi ma’lum bir soha yoki yo‘nalishlarni inson idroki salohiyati darajasida tadqiq etadi, olingan natijalarni jamiyat rivoji va barqarorligini ta’minlash uchun taqdim etadi. Shuning uchun ham har bir fan o‘ziga xos bo‘lgan xususiyatlarga egadir. Jumladan, O‘zbekistonning eng yangi tarixi fani ham o‘ziga xos bo‘lgan ob'ekt, predmet, maqsad va vazifalarga egadir.