O‘quv qo‘llanma (Barcha bakalavriat ta’lim yo‘nalishlari uchun) Toshkent-2019

SOG‘LOM TURMUSH TARZI – iborasining zaminida inson salomatligi qolaversa yoshlar kelajagi yotadi va bu jamiyat taraqqiyotining yuk salishida asosiy o‘rin egallaydi. Sog‘lom turmush tarzi inson hayot faoliyatini har tomonlama rivojlantirishda, SHaxsning ijtimoiy funksiyalarini to‘laqonli bajarishda, uzoq umr ko‘rishda, oilaviy, maishiy, mexnat, va boshqa ijtimoiy faoliyatlarini faol tarzda olib borishda muxum axamiyat kasb etadi. Sog‘lom turmush tarzi haqidagi qarashlar jamiyatdagi ijtimoiy munosabat va sharoitlarning o‘zgarishi, inson organizmiga nisbatan ortib borayotgan ijtimoiy, ekologik, psixologik, siyosiy, xarbiy taxditlarning ortib borishi bilan dolzarb tus oldi.


TAKABBUR(LIK). Takabbur – o‘zini katta oladigan, kibr-havoli. Takabburlik  1. Takabbur bo‘lish. 2. Takabbur odamlarga xos xatti-harakat. T.lik  salbiy axloqiy sifat bo‘lib, boshqalarga kibr-havolik b-n munosabatda bo‘lish, ularning tajribasi va manaviy boyliklarni mensimaslik, o‘zining jamiyatda tutgan o‘rnidan, millatidan mag‘rurlanishni anglatadi. T.lik  manmanlikning bir ko‘rinishi bo‘lib, kishining o‘zini yaxshi ko‘rish va imkoniyatlariga ortiqcha ishonishi asosida boshqalarga behurmatlikda bo‘lishini ifodalovchi salbiy axloqiy sifat. T.lik  illat. T.lik kamtarlik va odamlarga hurmat sifatlariga ziddir. T.lik kibr, manmanlik, mag‘rurlik, maqtanchoqlik, kekkayish, kaltabinlik, jamoadan o‘zini yuqori qo‘yish, boshqalardan ustunligini namoyon etish kabi illatlar yig‘indisidan iborat.


TARBIYA – insonning SHaxs bo‘lib etishuvini taminlaydigan uzluksiz jarayonlaridan biri. Go‘zal fazilatlar insonga xos narsa, faqat uning mulki emas. yaxshi fazilat jamiyatning boyligi, umuminsoniy manoga ega. Ijobiy fazilatga ega bo‘lgan kishilar jamiyatga tasir qiladi, uning rivojlanishini tezlashtiradi. Inson bolasi ham bu yorug‘ olamga shunchaki kelmaydi. Hazrat Navoiy tabiricha, inson olamga kamolotga erishish uchun keladi. Inson to‘g‘ri tarbiya topmasa, uning xatti–harakatlari jamiyatga zarar keltiradi.