Oliy va o‘rta maxsus ta’lim vazirligi o‘zbekiston milliy universiteti

15-mavzu. O‘zbekiston va jahon

Otim bo‘lsin desang el aro ezgu, Yomonga yondoshma ,buning yo‘li –shu.

 O‘qish uchun material

Istiqlol

Mustaqillik azaldan insoniyatning orzu-umidlari, armon va iztiroblarini o‘zida mujassam etadi. Darhaqiqat, inson tabiatning gultoji sifatida hamisha ozodlik va hurriyatga intilib yashaydi. Eng avvalo, shuni aytish kerakki, mustaqillik tengik sari qo‘yilgan birinchi qadamdir. Chunki tenglik bo‘lmagan joyda kimdir kimgadir tobe bo‘ladi. Mutelik bor joyda o‘zgalar hisobiga yashash kabi illatlar paydo bo‘ladi. Tenglik so‘zining qudrati shundaki, u odamlarning o‘zaro munosabatlaridan tortib, mamlakatlararo munosabatlargacha hamma narsani me’yor- mezonga soladi.

Istiqlol – o‘zaro hurmat, bir-birini tan olish, bir-birini qadrlash asosida mamlakat fuqarolari o‘zaro munosabatlarida ham, jahon davlat- lari o‘rtasidagi aloqalarda ham ana shu umuminsoniy qadriyatlarga tayanish, ana shu umumiy mezonlar asosida yashash demakdir.

Mustaqillik – jamiyatdan ajralmagan holda dunyo muammolari va o‘z taqdiri bilan bog‘liq bo‘lgan barcha jarayonlarni erkin tafakkurga suyangan holda yashash salohiyati, jahonga yuz tutish, eng rivojlangan mamlakatlar qatorida bo‘lish imkoniyatidir. Biz yoshlar mamlakatimiz mustaqilligini himoya qilishimiz, yaxshi o‘qib, malakali mutaxassislar bo‘lishimiz, yurtimizning yanada gullab-yashnashi uchun harakat qilmog‘imiz lozim.

O‘zbekiston jahon hamjamiyatida

O‘zbekiston jahonga yuz tutdi. Uning mustаqilligini 170 dаn оrtiq dаvlаtlаr tаn оldi, o‘nlаb mаmlаkаtlаr bilаn diplоmаtik аlоqаlar o‘rnаtildi.

O‘zbеkistоn Birlаshgаn Millаtlаr Tаshkilоti, Yevrоpаdа Хаvfsizlik vа hаmkоrlik tаshkilоti kаbi o‘nlаb nufuzli хаlqаrо tаshkilоtlаrgа а’zо bo‘ldi.

O‘zbekiston erishayotgan yutuqlar dunyo hamjamiyati tomonidan keng e’tirof etilayotganini nufuzli xalqaro tashkilotlarning xulosalarida ko‘rish mumkin. Jahon iqtisodiy forumi tomonidan e’lon qilingan reytingda keyingi yillarda iqtisodiyoti eng tez rivojlanayotgan davlatlar orasida mamlakatimiz beshinchi o‘rinni egalladi. Еndilikdа O‘zbеkistоn siyоsiy vа iqtisоdiy mustаqilligi bаrqаrоr, suvеrеn, dеmоkrаtik rеspublikаdir.

Birlashgan Millatlar Tashkiloti ko‘magida AQSHning Kolumbiya universiteti tomonidan tashkil etilgan ijtimoiy tadqiqotlar asosida e’lon qilindi. “Butunjahon baxt indeksi”da Vatanimiz 158 ta mamlakat o‘rtasida 44-pog‘onani, Mustaqil Davlatlar Hamdo‘stligi mamlakatlari orasida 1-o‘rinni egallagan. Bunday natijalar bilan har bir yurtdoshimiz haqli ravishda faxrlansa arziydi.

So‘nggi yillarda qator rivojlangan davlatlarning ommaviy axborot vositalarida O‘zbekistonning mustaqillik yillarida erishgan yutuqlari, taraqqiyot bosqichlari haqidagi xolis maqolalar yoritilmoqda, ko‘rsatuvlar, hujjatli filmlar namoyish etilmoqda. Fransiyaning “Franse 2” yetakchi telekanali O‘zbekistoning afsonaviy shaharlari Samarqand va Buxoro haqidagi maxsus reportajlarni o‘zining 10 million nafardan ziyod tomoshabinlari e’tiboriga havola qildi.

 Yodingizda tuting!

Muhim sanalar va voqealar

• 
  1989-yil 21-oktabrda o‘zbek tiliga davlat tili maqomi berildi.
  
• 
  1990-yil 24-martda ittifoqdosh respublikalar ichida birinchi bo‘lib O‘zbekistonda Prezidentlik lavozimi ta’sis etildi.
  
• 
  1990-yilda yurtimizda Navro‘z bayrami qayta tiklandi.
  
• 
  Ramazon va Qurbon hayitlari bayram va dam olish kuni deb e’lon qilindi.
  
• 
  O‘zbekiston 170 ga yaqin davlat bilan diplomatik aloqalar o‘rnatdi.
  
• 
  Poytaxtimizda 40 dan ziyod davlatning elchixonalari, ko‘plab nufuzli xalqaro tashkilotlarning vakolatxonalari ishlab turibdi.
  
• 
  Mamlakatimiz BMT, MDH, SHHT singari xalqaro tuzilmalar doirasida jahon hamjamiyati va mintaqa davlatlari bilan iqtisodiy va madaniy hamkorlikni amalga oshirmoqda.
  
• 
  1992-yil 8-dekabrda O‘zbekiston Respublikasi Konstitutsiyasi qabul qilindi.