Oliy va о‘rta maxsus ta’lim

KURS ISHI REJASINI TUZISH

Kurs ishi rejasini talaba asosiy adabiyotlar bilan tanishib chiqqandan sо‘ng tuzishi maqsadga muvofiq. Reja mavzuning asosiy savollarini aks ettirib, qisqa bо‘lishi (oddiy reja) yoki har bir savolni aniqlashtirgan, kichik savollarga ajratgan holda, kengaytirilgan (murakkab reja) bо‘lishi mumkin.
Reja ilmiy rahbar bilan kelishgan holda tuzilishi kerak. Rejaning savollari ma’lum bir tartibda, mantiqiy ketma-ketlikda qо‘yilishi lozim. Rejada talabaning ijodiy yondoshuvini, ilmiy tahlillari va tashabbusini talab qiladigan savollarning qо‘yilishi juda muhim bо‘lib, bu kurs ishining qiymatini yanada oshiradi.
Kurs ishi ustida ishlash jarayonida reja talaba tomonidan birmuncha о‘zgartirilishi, aniqlashtirilishi va kengaytirilishi mumkin. Kurs ishi rejasini tuzishda biron-bir qolipning, yagona shaklning bо‘lishi mumkin ^emas. Lekin aksariyat mavzular uchun ^tuzilgan rejalar savollari о‘rganilayotgan mavzuning nazariy va tashkiliy-huquqiy asoslarini, izlanish obyektidagi amaliyot holati tahlilini, izlanish uchun asos qilib tanlangan muayyan ijtimoiy-iqtisodiy munosabatlarni takomillashtirish va samaradorligini oshirish yо‘llarini qamrab olishi kerak.
Kurs ishinig mazmuni va hajmiga ma’lum chegaralar qо‘yilgan, ya’ni kurs ishi 3–3,5 ming sо‘z birligi yoki 35-40 sahifa hajmida bajarilishi kerak, shunday ekan, rejada ham shu hajm doirasida yoritib berish mumkin bо‘lgan savollar qо‘yilishi maqsadga muvofiq.
Xulosa qilib aytganda, talabaning qiziqishlaridan, fikrlash doirasining kengligidan, о‘rganilgan о‘quv adabiyotlari va amaliy ma’lumotlarning kо‘lamidan, talabaning ilmiy izlanishlarga bо‘lgan layoqatidan kelib chiqqan holda, kurs ishi rejalari turli-tuman, cheklanmagan variantlarda, ixtiyoriy talqinda bо‘lishi mumkin. Muhimi, ishlab chiqilgan reja tanlangan kurs ishi mavzusining mazmun-mohiyatini, maqsad va vazifalarini tо‘la ochib berishi, о‘rganilgan muammo yuzasidan mustaqil xulosalarni shakllantirishga xizmat qilishi kerak. Ushbu kо‘rsatmadan foydalanuvchilarga amaliy yordam sifatida bir necha mavzu bо‘yicha tuzilgan kurs ishi rejalari namunalari 4-ilovada keltirilgan.

4.