Олий ва ўрта махсус таълим вазирлиги ўзбекистон республикаси қишлоқ ХЎжалиги вазирлиги тошкент давлат аграр университети

Озиқа ва идишларни стерилизация қилиш

Лаборатория тахлилида фойдаланиладиган идишларни стерелизация қилишнинг қуйидаги турлари мавжуд: юқори температурада, буғ оқимида, буғ оқимининг босими остида.

121
Стерелизация қилиш учун АВ 1 автоклавидан фойдаланилади. Унинг манометри камерадаги босимни 1,0 кг/cм² кўрсатганда харорат 120 ⁰ С ни, 1,5 кг/cм² – 127,8 ⁰ С ни ,2,0 кг/cм² – 133⁰ С ни, 2,5 кг/cм² – 138⁰ С ни ташкил қилади.

Тайёрланган озиқалар албатта стерилизация қилинади. Стерилизация муддатлари ва миқдори озиқанинг таркибига боғлиқ. Бунинг учун лаборатория автоклавларидан фойдаланиб, стерелизация муддатлари 20 - 30 минутдан, 1 соатга қадар давом этади. Таркибида глюкоза бўлган озуқалар 112 ⁰ С хароратда 30 минут 0,5 атм босимида стерилизация қилинса, табиий озиқа мухитлари 1 атм босим остида 1 соат стерилизация қилинади.

Соф ҳолдаги турларни сақлашга мўлжалланган озуқа муҳитлари, идишлар, стерилизация қилинган бўлиши шарт. Шиша идишлар автоклавларда 1 атм босим остида 1 соат давомида, ёки қуритиш шкафларида 160 ⁰ С да 2 соат давомида стерилизация қилинади. Бунинг учун улар устидан қоғоз билан ўраган бўлади.

Пинцет, скалпел, қайчи, ва бошқа жихозлар спиртга ботирилиб кейин спиртовка алангасида стерилизация қилинади. Микробиологик илгаклар хам спиртовка алангасида дастлаб ушлайдиган тамони кейин нинаси вертикал холда тутиб турилган холда уч марта қизартирилади.

2-МАВЗУ: МИКРООРГАНИЗМЛАРНИ УСИМЛИК АЪЗОЛАРИДАН АЖРАТИБ ОЛИШ УСУЛЛАРИ
Дарсни мақсади: Микроорганизмларни усимлик аъзоларидан ажратиб олиш усуллари билан танишиш.


Дарсга зарур жихозлар: Фитопатологик лаборатория таҳлилларини ўтказиш учун махсус жихозлар, аппаратлар (микроскоп, бинокуляр, центрифуга, термостат, қуритиш шкафлари, музлаткич, автоклав, Кох аппарати, ) зарур. Бундан ташқари майда жихозлардан устара, скалпел, пинцет, нина, микробиологик илгак, қайчи кабилар зарур.
122
Тадқиқотларни амалга ошириш учун шиша лаборатория жихозларидан: пробиркалар, Кох ва Петри ликопчалари, ҳар ҳил хажмдаги Эрленмейер колбалари зарур бўлади. Шунингдек буюм ва қоплағич ойна, ботиқ ойна, кимёвий стаканлар, ўлчаш цилиндрлари, томизғичлар, пипеткалар, шиша воронкалар, шиша таёқчалар, фарфорли ликопчалар ва банкалар, ҳовончалар, спиртовка, тупроқ элакчалари, штативлар, эмалли кюветалар, пахта, дока, филтр қоғозлари зарур.