Олий ва ўрта махсус таълим вазирлиги Ўрта махсус, касб-ҳунар таълими маркази Ўрта махсус, касб-ҳунар таълими муассасаларини

Баҳоуддин Нақшбанд
Мана, неча аср бизга қилур панд,
Комил инсон бўлгил, дея Нақшбанд.
Қўлинг бўлсин, деди, меҳнат билан банд,
Дилингни Оллоҳга айлагин пайванд.
Деди, савоб билан кўкаради эл,
Йиғласанг, эл учун йиғла бўлиб сел!
Амир Темур
У деди: “Кучимиз – адолатдадир!”
Ўшанда инсонлик татийди ахир.
Юртни озод этди асрий қулликдан,
Халқни мўғулларга таъзим, қуллуқдан.
Дунёни титратди қуриб салтанат,
Ҳақ диндан дилига олди у рағбат,
Бадном қилса ҳамки олатасирлар,
Яшади ва номи яшар асрлар.
Жалолиддин Мангуберди
“Ўғлинг шундай бўлса”,-деган ёв Чингиз,
Унинг мардлигини қилган эди ҳис.
Ватан озодлигин шиори қилди.
Ватансизлик нима – у кўриб билди.
Ватаним топсин, деб офатдан нажот,
Фақат Ватан учун бахш этди ҳаёт.
Алишер Навоий
Шеърият султони бўлган Алишер,
Ўзини дер эди “занжирланган шер”.
Қилгани учун ҳам туркни якқалам,
Уни олти аср улуғлар олам.
Туркона ғазаллар бағишлаб сурур,
Ўзбегим у билан қилади ғурур.
Комил бўлсин деди ҳар битта инсон,
Ғояси бугунга ҳамнафас ҳамон...
Беҳзод
Ўзбегим ранг бериб кашф этган санъат –
Санъат оламида топди саодат.
Сеҳрли мўйқалам соҳиби Беҳзод
Истеъдоди қилди олам аҳлин шод.
Бу не санъатки, лол боқади башар,
Ҳар бир рангтасвирда ўзбегим яшар.
Уларда намоён аждодлар ёди,
Уларни яратар халқ истеъдоди!

Шу билан тугамас боболар ёди...

Улар кўп... фалакда юлдузлар мисол.
Бизлар ҳам уларнинг бахтли зурёди,
Кўкларда порлайлик мисоли Ҳилол!

Қўшиқ.
Даврага спортчи йигитлар чиқиб келишади.Ўз маҳоратларини намойиш этишади..


Миллий кураш
Ўзбегим азалдан курашталаб эл,
Ўзидан ожизга ушлатмайди бел.
Чиниққан бўлмасанг, чоптирмасанг от,
Ажабланиб қарар: “Йигитсан наҳот?!”
Шундан отамерос чайир-чапдастлик,
Кураш чоғи кетмас худбин пасткашлик.
Тўю томошами,сайил-байрам бор –
Курашсиз ўтмайди бу юртда зинҳор.
Паҳлавон Маҳмудлар шу ерда ўсган,
Алпомишлар неча алп йўлини тўсган,
Ўзбек – полвоним дер шундан ўғлини –
Юртларга кўз-кўзлар ҳар бир туғлини -
Уларга отадан анъана - мерос,
Юрт шаънин улуғлар ўтли эҳтирос!