Олий ва ўрта махсус таълим вазирлиги Ўрта махсус, касб-ҳунар таълими маркази Ўрта махсус, касб-ҳунар таълими муассасаларини

Ўзбекистон Республикаси Давлат мустақиллигининг 25 йиллик байрами сценарийси


(Вақт ва ички имкониятларни ҳисобга олиб, сценарийни ўзгартириш мумкин)


Байрам тадбири тантаналаридан аввал электрон мониторда Ш.Ашурматова, Б.Валиевлартайёрлаганмустақиллигимизнинг 25 йиллигига бағишланган“Юртимга дил изҳори”номли 6-7 дақиқалик видеоролик намойиш этилади.


Чорлов мусиқаси.
Ўзбекистон Республикасининг Давлатмадҳияси янграйди.
Карнай сурнай наволари жўрлигидасаҳнага ўқувчилар чиқиб келишади.


1-ўқувчи:Ассалом, азизлар тўйга марҳабо!
Халқимиз оламга ёзар дастурхон.
Озодлик қуёши сочар нур-зиё
Йўлимиз чароғон кулди шараф-шон.


2-ўқувчи:Тўйларинг муборак, Ўзбекистоним,
Эй, жарчи, чорлагин шодиёнага.
Жон элим, фахримсан, жону жаҳоним,
Шодлигим сиғмагай шўх таронага.


3-ўқувчи:Ассалому алайкум, қадрли меҳмонлар!
4-ўқувчи:Ассалому алайкум, азиз ёшлар!
1-ўқувчи:Ҳаммамиз учун қувончли ва ҳаяжонли бўлган ушбу дақиқаларда энг улуғ, энг азиз байрам – мустақиллигимизнинг 25 йиллик шодиёнаси ҳамда Билимлар кунини нишонлашга йиғилиб турибмиз.
2-ўқувчи:Бугун юртимизда катта тантана, шоду хуррамлик! Негаки, ушбу қутлуғ санада халқимизнинг асрий орзулари рўёбга чиққан. Юртимиз миллий истиқлолини қўлга киритган. Шу билан бирга, ушбу кун биз каби илмга чанқоқ ёшлар учун билимлар куни байрамидир.
3-ўқувчи:Мустақиллик бизга, айниқса, биздек бахтли авлодга илм-фаннинг юксак технологиялари асосида билим эгаллаш, миллий урф-одат ва қадриятларимиз руҳида тарбияланиш, кўҳна ва замонавий касб-ҳунарлар сирларини ўрганиш, ҳар соҳада ўз иқтидоримизни намоён қилишга имкониятлар яратди.Шундай экан, истиқлолимизни ҳар қанча эъзозласак, ушбу байрамни нишонласак, шунча кам.
4-ўқувчи:Тантанали тадбиримизни очиш ва табрик учун сўз муассасамиз директори __________га !
Табрик сўзидан сўнг таълим муассасаси раҳбарияти, ҳомий ва ҳамкор ташкилотлар томонидан Ўзбекистон Республикаси мустақиллигининг 25 йиллиги муносабати билан муассаса миқёсида ўтказилган танловларнинг ғолиб ва совриндорлари тантанали равишда тақдирланадилар.
Таклиф этилган меҳмонларга табрик сўзлари берилади.