Олий ва ўрта махсус таълим вазирлиги Ўрта махсус, касб-ҳунар таълими маркази Ўрта махсус, касб-ҳунар таълими муассасаларини

Ўрта махсус, касб-ҳунар таълими муассасаларида
истиқлолимизнинг 25 йиллигинимуносиб нишонлашга тайёргарлик кўриш ва ўтказиш


Мақсад:истиқлолимизнинг 25 йиллигини муносиб нишонлашга тайёргарлик кўриш ва ўтказишга қаратилган маънавий-маърифий тадбирлар орқали Ватанимиз мустақиллигининг маънавий асосларини мустаҳкамлаш, миллий қадриятларимиз, анъана ва урф-одатларимизни асраб-авайлаш, халқимиз, айниқса, ёш авлод онги ва қалбига она юртга муҳаббат, истиқлолга садоқат туйғуларини чуқур сингдириш,юксак ахлоқий фазилатларни камол топтириш ҳамдаюртимиз келажагининг порлоқ бўлишига ҳисса қўшишдир.
Ушбу мақсаддан келиб чиқиб, таълим муассасаларидабайрамниюқори савияда, кўтаринки руҳда нишонлаш, маънавий-маърифий тадбирларни ташкил этишда қуйидаги жиҳатларга эътибор қаратиш тавсия этилади:


Ташкилий ишлар:

• 
  “Озод юртга ободлик ярашади” шиори остида ўқув биноларива ўқувчилар турар жойлари ҳудудини ободонлаштириш ва кўкаламзорлаштириш;
  
• 
  мустақиллигимизнинг 25 йиллигига бағишланган “Гўзал ва бетакроримсан, муқаддас Ватаним, жоним сенга фидо, Ўзбекистоним!”шиорини жойлаштириш;
  
• 
  муассасанинг белгиланган жойларини мустақиллик йилларида эришилган ютуқлар, илм-фан, соғлиқни сақлаш, маданият, спорт, кичик бизнес ва хусусий тадбиркорлик, фермерлик, соҳаларидаги ислоҳотлар самарасини ўзида акс эттирувчи баннерлар, ўқувчиларни янги марралар сари руҳлантирувчи, ватанпарварлик туйғуларини юксалтирувчи ҳикматли сўзлар билан тўлдириш;
  
• 
  ички имкониятлардан келиб чиққан ҳолда байрам тадбирини ўтказиш режалаштирилган майдонни тантанавор тусда безатиш;
  
• 
  Қатағон қурбонлари хотирасини ёд этиш, Мустақиллик ва эзгулик монументи пойига гул қўйиш маросимларини ўтказиш;
  
• 
  маънавий-маърифий тадбирларини юқори савияда ўтказиш билан боғлиқ барча ташкилий-услубий чораларни кўриш;
  
• 
  хавфсизлик техникаси қоидаларига асосан барча чора-тадбирларни кўриш ва унга сўзсиз риоя этилишини назоратга олиш.