Олий ва ўрта махсус таълим вазирлиги Ўрта махсус, касб-ҳунар таълими маркази Ўрта махсус, касб-ҳунар таълими муассасаларини

Истиқлол неъмати
Таҳлика гирдоби, бўҳронлар ичра,
Карвонин етаклаб бешикаст, омон.
Жасур йўлбошчимиз матонат ила,
Юртим, истиқлолинг айлади эълон.
Итиқлол сўзининг ўзи улуғдир,
Ўзин англаган эл кучга тўлуғдир.
Бу юртга азизлар руҳлари ёрдир,
Эзгулик бобида ҳар ишга қодир.


Аждодлар ёди
Ўтмишнинг қатидан садо бергайдур,
Соҳибқирон Темур шиддати, бонги.
Жаҳон айвонига зиё сочгайдур,
Аждодлар оттирган маърифат тонги.
Бунда Хоразмийлар, Берунийларнинг
Заковати ёққан чироқлари бор.
Меҳринг булоғига ташналик - азоб,
Бобурни ўртаган фироқлари бор.
Нажмиддин Кубролар кўкси қалқондир,
Широқлар тиккандир ширин жонини.
Эрк, деб қилич тутган Тўмарис она,
Ёвга ичирмишдир қасос қонини.


Бунёдкорлик
Ҳар ёнда ободлик, яратувчанлик,
Не юксак кўпригу муҳташам сарой.
Йигирма беш йилда шунча ишчанлик,
Йигирма беш йилда шунчалар чирой.
Тоғ узра турнадек учар вагонлар,
Уларга чўт эмас юксак довонлар.
Ҳайратдадир олам сайёралари,
Биллур сочар пойтахт фавворалари.

Соҳалар ривожи
Барча соҳа яшнаб борар бир маром,
Ҳар бир йил олмоқда гўзал эзгу ном.
Таълим ва тарбия, соғлиқни сақлаш,
Тадбиркор – бу демак ишончни оқлаш.
Иқтисод, саноат, қишлоқ хўжалик,
Намунали уй-жой шинам қанчалик.
Соғлом ва баркамол авлодлар учун,
Сарфламоқда юртим бутун бор кучин.


Ёшларга эътибор
Бундадир зўр имкон, бунда хос рағбат,
Ҳар неки эътибор, ёшлар чун фақат.
Спортдан бир лаҳза сўз кетган онлар,
Элни шарафлайди ёш чемпионлар.
Куйу қўшиқлари ўзбек боласин,
Олқишга тўлдирар дунё саҳнасин.
Илм-фан бобида шимарганда енг,
Хоразмий авлодига топилмайди тенг...
Қурар ва яратар ўзбек ёшлари –
Кўркам Ўзбекистон кўзу қошлари!