Олий ва ўрта махсус таълим вазирлиги Ўрта махсус, касб-ҳунар таълими маркази Ўрта махсус, касб-ҳунар таълими муассасаларини

Куй жўрлигида “Шашмақом”
Дунёни минг йиллар қилиб келар ром,
Ўзбегим юракдан куйлаб “Шашмақом”,
Унда ўзбекона жасоратдир жо,
Унда умрбоқий меҳр ва вафо.
Ватанни севмакни у айлайди фарз,
Ишқда садоқатдан ўргатади дарс.
Тўмарис дилидан чиққан дардли сас,
Торобийдан жангда юлқинган нафас,
Темурнинг зафарга чорлави унда...
... жарангла, жаранглар шаксиз “Шашмақом”,
Ўзбек борки, бу куй умри бардавом...
Мумтоз қўшиқ рақс билан ижро этилади.
Бағрингда барқ урар инсон камоли
Кунда юз очмоқда бахтнинг жамоли,
Баркамол авлоднинг ёруғ иқболи,
Султонинг ҳар ишда доно, заколи.
Гўзал, бетакрор муқаддас Ватаним,
Жоним сенга фидо, Ўзбекистоним!
Саҳнага барча иштирокчи ўқувчилар навбат билан чиқиб кела бошлайдилар.
1-ўқувчи:
Ватан туйғусини дилларга жойлаб,
Уни жон ўрнида асраб, авайлаб,
Истиқлол мадҳини тараннум айлаб,
Эзгу ниятларни парвозга шайлаб,
Энг юксак марраларни забт этайлик!
2-ўқувчи:
Қалам билан олам олган ўзбекмиз,
Жаҳонгир деб довруғ солган ўзбекмиз.
Юлдузларни санаёлган ўзбекмиз,
Ўзигахон, ўзига бек ўзбекмиз,
Аждодларнинг изларидан кетайлик!
3-ўқувчи:
Бунёд этмоқдамиз ҳурлик қасрини,
Мақсад яратмоқдир дўстлик асрини,
Хазон айламайлик ёшлик фаслини,
Ўрганайлик касб-ҳунарлар аслини,
Илм-фан чўққиларин забт этайлик!
4-ўқувчи:
Нур сочмоқда истиқлолнинг қуёши,
Йўл очмоқда буюкликка Юртбоши,
Саодатга элтар элим бардоши,
Ҳамма :
Бахтга ёр ўлканинг бахтли ёшлари,
Зафар байроғини баланд тутайлик!


Ҳамма биргаликда Ёшлар мадҳиясини ижро этади.
Изоҳ:сценарийда Нормурод Нарзуллаев, Жалолиддин Ҳасан, Қобил Мирзо, Фозил Эмин, Баҳодир Валиев, Одина Обиджон қизи шеърларидан фойдаланилди.