Олий ва ўрта махсус таълим вазирлиги Ўрта махсус, касб-ҳунар таълими маркази Ўрта махсус, касб-ҳунар таълими муассасаларини

4-ўқувчи: Касбимиз ҳақида магар кетса гап,
Чўлга бурдик деймиз азал ирмоқни.
Бўлмагандир қорин тўйғазиш матлаб –
Ўйлаймиз дунёни кийинтирмоқни.


1-ўқувчи: Ўтмишда яшаб ижод қилган улуғ бобокалонларимизнинг ибратли ҳаёти, серқирра фаолияти, илм-фан ривожи йўлидаги оламшумул ишлари бугун ҳам жаҳон аҳлини ҳайратга солиб келмоқда. Бизнинг маданиятимиз бутун инсониятни ўзига ром этиб келаётган марказ бўлиб қолганлиги тасодифий эмас. Самарқанд, Бухоро, Хива шаҳарлари фақат олимлар ва санъат ихлосмандлари учунгина эмас, балки тарих ҳамда маданий меросимиз билан қизиқувчилар учун ҳам зиёратгоҳга айланган. Ватанимизнинг нафақат Шарқ, балки умумжаҳон цивилизацияси бешикларидан бири бўлгани халқаро миқёсда кенг тан олинмоқда.
2-ўқувчи:Одамзот қавмига бўлган илк маскан,
Бизнинг тоғлардаги анчайин ғорлар.
Ҳаёт битта жойда тўхтаб турмаскан,
Бугун ясаяпмиз учар тулпорлар...


3-ўқувчи:Бу қадимий ҳамда табаррук заминдан буюк алломалар, фозилу фузалолар, олиму уламолар етишиб чиққан. Диний ва дунёвий илмларнинг асослари мана шу заминда яратилган, сайқал топган. Энг қадимги тошёзувлар, битиклардан тортиб, кутубхоналаримиз хазинасида сақланаётган 20 мингдан ортиқ қўлёзмалар, уларда мужассамлашган тарих, адабиёт, санъат, сиёсат, ахлоқ, фалсафа, тиббиёт, математика, физика, кимё, астрономия, меъморчилик, деҳқончиликка оидм асарлар бизнинг беқиёс маънавий бойлигимиз, ифтихоримиздир. Президентимиз эътироф этганларидек, бунчалик катта меросга эга бўлган халқ дунёда кам топилади.
4-ўқувчи:Ажаб қисмат экан, Ўзбекистоним –
Жаҳон харитасин айлади таҳрир.
Қайтди қўлга эрким, дилга – иймоним –
Азал манглайимга битилган тақдир!
Қўшиқ
1-ўқувчи:Буюк аждодларимиз — Хоразмий, Беруний, Ибн Сино, Фарғоний, Амир Темур, Мирзо Улуғбек, Замаҳшарий сингари умумбашарий тараққиётга улкан ҳисса қўшган аждодларимизнинг бизга қолдирган ўлмас меросидан ҳозирги авлод қалбида ифтихор туйғуси уйғонаётгани барчамизни қувонтиради.