Олий ва ўрта махсус таълим вазирлиги низомий номидаги тошкент давлат педагогика университети логопедик ритмика

Модулнинг мақсади ва вазифалари Модулнинг мақсади:

Логопедик ритмика курс тингловчиларига турли нутқ бузилишларига эга бўлган шахсларнинг умумий ва нозик моторикасининг бузилишлари хусуситялари, реабилитация методикалари тизимидаги логоритмик (мусиқали ритмик) тарбия тамойиллари ва усуллари ҳақида: шунингдек ҳаракат анализаторининг фаолияти ҳақида умумий тарздаги билим ва тушунчаларни ѐритиб беради.

Модулнинг вазифалари:

Курс тингловчиларини коррекциялаш мақсадидаги мусиқа, ритм ва ҳаракат уйғунлигининг хусусиятлари ва ўзига хослиги хақидаги тасаввурлар, шахсни ривожлантириш ва тарбиялашда мусиқали ритмикадан фойдаланиш малакалари билан қуроллантиришдан иборат.
Логопедик ритмика даволов ритмикасининг асосий бўғини, коррекциялаш- тарбиялашдаги таъсир воситаси ва ўқув фани сифатида кўриб чиқилади.
Логопедик ритмиканинг табиий-илмий асоси бир қатор фанлар мажмуасидан (анатомия, физиология, неврология, гигиена, биомеханика, психология, педагогика, жисмоний тарбия назарияси, мусиқали тарбия назарияси ва методикаси , дефектология) ташкил топган. Буларнинг барчаси
ҳаракат малакаларнинг шаклланиш қонуниятларини ўрганиш ва тарбиялашда методикасини тўғри танлашга имкон яратади. Мусиқа инсоннинг функционал фаолиятига таъсир этиб, унда ҳиссий кечинмалар, кайфият, ҳаракат реакцияларини вужудга келтиради.

Модул бўйича тингловчиларнинг билими, кўникма, малакаси ва компетенцияларига қўйиладиган талаблар

Тингловчи:

• 
  болаларда учрайдиган нутқий камчиликларнинг турли-туманлиги ўзига хос жихатлари;
  
• 
  махсус адабиѐтларни таҳлил қилиш;
  
• 
  нутқ бузилишига эга бўлган шахслар психомоторикасининг ҳолатини текшириш;
  
• 
  логоритмика машғулотларига режа-матн тузиш;
  
• 
  педагогик ва вазиятни моделлаштириш;
  
• 
  нутқ, ҳаракат нуқсонларини логоритмик воситалар орқали бартараф этиш йўналишларини асослай олиш;
  
• 
  нутқ камчилигига эга бўлган болаларга психологик-педагогик тавсия бера олиш;
  
• 
  логопедик ритмика бўйича коррекцион-педагогик иш жараѐнини таҳлили қилиш ва баҳолаш;
  
• 
  логопедик ритмика машғулотлари учун дидактик материаллар ва дидактик ўйинларни танлай билиш;
  
• 
  логоритмик машғулотларда турли шаклларда фойдаланиладиган сўз (ашула, нутқий топшириқлар, сўз кўрсатмалари, нутқий машқлар, воқеабанд – роли ўйинлар, ҳаракатли ўйинлар матнлари, инсценировка ва ҳ.к.) машғулотнинг тарбиявий ва коррекцияловчи йўналганлигини оширади. Нутқ бузилишларига эга бўлган шахсларнинг ѐш ва индивидуал, психологик хусусиятларини (тасаввурлари, идрок, диққат, хотираси, тафаккури ва ҳ.к.) нутқ бузилишларнинг моҳияти ва систематикасини билиш логопедларига нутқ нуқсонларига эга бўлган шахсларни текшириш ва улар билан коррекцион тарбиявий иш олиб бориш жараѐнида логопедик ритмикадан кенгроқ фойдаланиш имкон беради;
  
• 
  республикада мактабгача таълим тизими ва баркамол авлодни тарбиялаш масаласи давлат сиѐсатининг асосий устувор йўналишига ўз муносабатини билдира олиш;
  
• 
  Ўзбекистон Республикаси Президентининг мактабгача таълим тизимига тааллуқли норматив-ҳуқуқий ҳужжатларни таълим-тарбия жараѐнида фойдалана олиш;
  
• 
  давлатимиз раҳбарининг мамлакатни ижтимоий-иқтисодий ривожлантиришнинг устувор йўналишларига бағишланган маьрузаларида таълим тизимини модернизациялаш билан боғлиқ вазифаларни амалиѐтга татбиқ этиш малакаларига эга бўлиши лозим.
  
• 
  мактабгача таълимнинг кадрлар тайѐрлаш тизимини модернизациялаш жараѐнида фаол иштирок этиш;
  

- таълим-тарбия жараѐнларига миллий манфаат нуқтаи назаридан норматив-ҳуқуқий ҳужжатлар асосида хулосалар чиқара олиш компетенцияларига эга бўлиши лозим.