Фан бўйича талабаларнинг билими, кўникма ва малакасига қўйиладиган талаблар

Наманган муҳандислик-қурилиш институти Машинасозлик факультети «Маҳсулот сифати назорати» фанидан 1-оралиқ назорат саволлари.
1-вариант
1. Фаннинг мақсад вазифалари.
2. Путур етказмасдан назорат.

Тузувчи дотс. Ҳ. Қирғизов

Кафедра мудири т.ф.д. М. Мансуров

1. Фанни ўқитишдан мақсад – маҳсулот сифатини ҳамда ишлаб чиқариш жараёнларини назорат қилиш, уларни синаш, сифатини таъминлаш усулларини ўрганишдан иборатдир. Бу эса бозор иқтисодиёти шароитида маҳсулот сифати ва рақобатбардошлигини таъминлаш ва экспортбоп маҳсулот ишлаб чиқаришда маҳсулот сифатини аниқлаш, текшириш, синаш, баҳолаш ҳамда маҳсулотнинг сифат кўрсаткичларини аниқлашда ишлатиладиган ускуна ва қурилмаларини муайян шароитларга мос ҳолда танлаш бўйича йўналиш хусусиятиги хос билим, кўникма ва малакани шакллантиришдир.

Фаннинг вазифаси – талабаларга саноат маҳсулотларини ишлаб чиқариш жараёни билан чуқурроқ танишиш, уларни асосий сифат кўрсаткичларини ва тавсифларини ўргатиш ҳамда уларнинг сифат кўрсаткичлари тавсифлари, маҳсулотни синаш ва синов қурилмалари билан таништиришдан иборат.


Фан бўйича талабаларнинг билими, кўникма ва малакасига қўйиладиган талаблар.
“Маҳсулот сифати назорати” фанини ўзлаштириш натижасида талаба:
 саноат маҳсулотларни синфланиши ва уларни сифати; маҳсулот сифат ва сифат кўрсаткичлари; маҳсулотни синаш ва синов қурилмалари; синов қурилмаларининг техникавий тавсифлари ҳақида тасаввурга эга бўлиши;
 маҳсулот сифати ривожланишининг истиқболи; маҳсулот ишлаб чиқариш бўйича республикамиздаги ижтимоий-иқтисодий ислоҳотлар натижалари; маҳсулот сифатини назорат қилиш ва баҳолаш усулларини ҳамда маҳсулот сифатига таъсир этувчи меъзонларни; маҳсулотнинг ҳаётий даври босқичлари; маҳсулот сифати назорати ва синовларини ташкил этиш муаммолари; маҳсулот сифати назорати ва синов қурилмаларини такомиллаштириришда фан ва техника ҳамда технология ютуқларини маҳсулот сифатини назорат қилиш ва синашда қўллашни билиши ва улардан фойдалана олиши;
 маҳсулот сифатини назорат-ўлчов воситалари билан синаш; маҳсулот сифати кўрсаткичларини аниқлаш усуллари ва уларни қўллаш; статистик назорат қилиш, таҳлиллар олиб бориш ва уларни қўллаш; маҳсулот ишлаб чиқаришни лойиҳалашда маҳсулот сифатини назорат қилиш; маҳсулотни лойиҳалаш, ишлаб чиқаришни ташкиллаштириш; корхона сифат назорати фаолияти ва маҳсулотни синаш кўникмаларига эга бўлиши керак.