Олий ва ўрта махсус таълим вазирлиги мирзо улуғбек номидаги ўзбекистон миллий университети

Давлатнинг махсус Экологик менежмент ва аудити — ихтисослаштирилган давлат органларининг атроф-муҳитни муҳофаза қилиш ва табиий ресурслардан оқилона фойдаланишга оид муносабатларни ваколат доирасида бевосита тартибга солиш фаолияти. Ушбу махсус бошқарув 3 йўсинда олиб борилади — комплекс, тармоқ ва функционал.
Давлатнинг махсус комплекс Экологик менежмент ва аудити — давлатнинг ихтисослаштирилган органларини экологик муносабатларни тармоқлараро мажмуали тартибга солиш функцияси.
Комплекс ваколати юклатилган давлат органлари Экология ҳуқуқи объектлари қайси мулк шаклида ёки қайси халқ хўжалиги тармоғида бўлишидан қатъи назар, уларнинг атроф табиатни муҳофаза қилиш ва табиий ресурслардан оқилона фойдаланишга доир барча фаолиятларини ҳуқуқий жиҳатдан тартибга солиб турадилар, назорат қиладилар ва кузатиб борадилар ҳамда тегишли чора-тадбирлар қабул қиладилар. Бу ўринда Табиатни муҳофаза қилиш давлат қўмитасининг алоҳида ўрни бор.
Табиатни муҳофаза қилиш давлат қўмитаси 1996 йил 26 апрелда Олий Мажлис томонидан тасдиқланган «Ўзбекистон Республикаси Табиатни муҳофаза қилиш давлат қўмитаси тўғрисидаги низом»га мувофиқ фаолият юритади (9-расм). Низомнинг 11-моддасига биноан Табиатни муҳофаза қилиш давлат қўмитаси қуйидаги асосий ком­плекс вазифаларни бажаради:
атроф-муҳитни муҳофаза қилиш, табиий ресурслардан фойдаланиш ва уларни қайта тиклаш устидан давлат назоратини амалга ошириш;
табиатни муҳофаза қилиш фаолиятини тармоқлараро ком­плекс бошқариш;
табиатни муҳофаза қилиш ҳамда ресурсларни тежаш борасида ягона сиёсатни ишлаб чиқиш ва амалга ошириш;
атроф-муҳитнинг экологик ҳолати қулай бўлишини таъминлаш, экологик вазиятни соғломлаштириш.
Давлатнинг махсус тармоқ Экологик менежмент ва аудити — давлат тармоқ органларининг тегишли халқ хўжалиги соҳаларида ёки объектларида экологик муносабатларни тартибга солиш функцияси.Ҳаммамизга маълумки, халқ хўжалигининг бирон-бир соҳаси йўқки, табиий объектлар — ер, сув, ҳаво, ер ости бойликлари, ўсимлик ва ҳайвонот дунё­сидан ўз хўжалик ва бошқа фаолиятларида фойдаланмасалар. Улар давлатнинг умумий ва махсус-комплекс Экологик менежмент ва аудит органлари томонидан бериладиган ҳуқуқий кўрсатма, қоида ва меъёрлар асосида ўз тармоқларида экологик муносабатларни тартибга соладилар. Масалан, Ер ресурслари давлат қўмитаси 1998 йил 27 июлда Вазирлар Маҳкамаси томонидан тасдиқланган Низомнинг 1-моддасига мувофиқ ердан фойдаланиш ва уни муҳофаза қилишни назорат қилиш соҳасидаги давлат бошқарувини амалга оширади.