Олий ва ўрта махсус таълим вазирлиги мирзо улуғбек номидаги ўзбекистон миллий университети

Ўкув фанининг ўқитилиши бўйича услубий кўрсатмалар

Экологик менежмент ва аудит миллий бошқарув тизимида ўз ўрни ва салоҳиятига эга бўлган ҳуқуқ соҳаси ҳисобланади. У тартибга солаётган ижтимоий муносабатларнинг кенглиги, мураккаблиги, хилма-хиллиги ва ўзига хос хусусиятлари билан бошқа ҳуқуқ соҳаларидан ажралиб туради. Экологик менежмент ва аудит–табиат билан жамият ўртасидаги ижтимоий муносабатларни ҳуқуқий томондан тартибга солишни ўрганувчи фандир. Унинг асосий функцияси атроф-муҳитни муҳофаза қилиш, табиий ресурслардан оқилона фойдаланиш ва бузилган табиат мажмуаларини қайта тиклаш жараёнида юзага келадиган ижтимоий муносабатларни ҳуқуқий томондан тартибга солишдан иборатдир.
Экологик менежмент ва аудит ўқув фанини ўзлаштириш жараёнида амалга ошириладиган масалалар доирасида магистр:
- “Экологик менежмент ва аудит” фанининг тарихи, назарий ва амалий жиҳатлари, муаммолари ва ривожланиш истиқболлари ҳақида тасаввурга эга бўлиши;
- Экологик менежмент ва аудит тушунчаси, мақсади ва вазифалари, ҳуқуқий муносабатлар, Ўзбекистон республикасида давлат бошқарув тизими шакллари, , табиат объектларига нисбатан мулкчилик масалалари, давлат ҳокимиятининг экологик функциялари, табиий ресурслардан оқилона фойдаланиш ва атроф табиий муҳитни муҳофаза қилишнинг экологик-ҳуқуқий ҳолати ва бошқа шу каби масалалар ҳақида ҳақида илмий билимлар, амалий ўқув ва кўникмаларига эга бўлиши керак.
-экологик-ҳуқуқий нормаларни таҳлил қилиш; атроф табиий муҳитни муҳофаза қилиш соҳасидаги муаммолар ва уларни ҳал этишга қаратилган чора-тадбирларни амалда қўллай олиш малакаларига эга бўлиши керак;
-касбий фаолиятнинг мос равишда экологик-ҳуқуқий нормаларни шакллантиришда аҳамиятга эга бўлган меъёрий ва фактларга асосланган маълумотларни тўплаш; касбий фаолият объектлари бўлган Экологик менежмент ва аудит ва ҳуқуқий муносабатларни таҳлил этиш; экологик муаммоларни ўз нуқтаи назаридан асослаб бериш каби кўникмаларига эга бўлиши керак;