Олий ва ўрта махсус таълим

Биринчи қисмида тадқиқот мавзусининг долзарблиги, уни фан ва амалиёт учун аҳамияти; муаммонинг ишланганлик даражаси очиб берилади; тадқиқотнинг объекти, предмети, мақсади, фарази, вазифалари кўрсатилади; диссертациянинг методологик базаси ва ишлатилган методлар баён қилинади; олинган натижаларнинг ҳаққонийлиги асосланади; ишнинг илмий янгилиги, назарий ва амалий аҳамияти кўрсатилади; ҳимояга олиб чиқилаётган ҳолатлар асосланади ва баён қилинади; диссертациянинг таркибий тузилмаси келтирилади.

110
Иккинчи қисмида диссертациянинг асосий мазмуни, унинг таркибига мос тарзда баён қилинади. Бу ерда, муаммонинг назарий асосланишини, натижаларни қандай олинганлигини, тадқиқот қандай олиб борилганлигини, фойдаланилган методларнинг моҳиятини баён қилиш ҳамда уларнинг аниқлиги ва қийинлигини кўрсатиш, тажриба – синов ишларининг шартлари ва босқичларини кўрсатиш, муҳимдир.

Автореферат асосий қисмининг охирида, одатда, нисбатан ихчам хулоса келтирилиб, унда кўпчилик муаллифлар қиладиган, диссертациянинг умумий хулосаларини санаб ўтмасдан ва такрорламасдан, бажарилган ишга умумлашган якуний баҳо бериш мақсадга мувофиқдир.
Учинчи қисмида диссертацион тадқиқот бўйича муаллифнинг мавзу бўйича нашр қилинган ишларининг рўйхати келтирилади.
Типографик усулда босилган автореферат, диссертацион кенгашга диссертация билан биргаликда тақдим қилинади.
Авторефератнинг титул варағи 1 – намунада, титул варақнинг орқаси эса – 2 – намунада кўрсатилгандай расмийлаштирилади.

Магистрлар, автореферат нима эканлигини ва қандай ёзилишини ўзлаштириш даражасини билиш учун, уларга қуйидаги саволлар берилади:

1. 
   Диссертация автореферати деганда нимани тушуниш керак?
   
2. 
   Авторефератнинг биринчи қисмида нималар баён қилиниши зарур?
   
3. 
   Диссертация авторефератининг иккинчи қисмининг мазмуни қандай?
   
4. 
   Авторефератнинг учинчи қисмида нималар баён қилиниши лозим?
   
5. 
   Авторефератнинг ҳажми қандай бўлиши мақсадга мувофиқ?