Олий ва ўрта махсус таълим

Ўқув машғулотининг мақсади: Магистрларга фундаментал илмий-педагогик тадқиқотларнинг сифатини тавсифлашда ишлатиладиган қуйидаги мезонлар ва даражалар: назарий ғояларнинг янгилиги, концепциянинг мавжудлиги ва исботланганлиги, тадқиқотнинг истиқболли ва долзарблиги нима эканлигини тушунтиришдан иборат.

Ўқув фаолиятининг натижалари:

Талаба:
Фундаментал тадқиқот назарий ғояларининг янгилиги 4 даражага бўлинишини ва уларнинг маъноси нима эканлигини билиб олади.
Фундаментал тадқиқот концепциясининг мавжудлиги ва исботланганлиги 4 даражага бўлиниши ва уларнинг нима эканлигини тушуниб олади.
Фундаментал тадқиқотларнинг истиқболи нима эканлигини ва улар 4 даражага бўлинишини билиб олади.
Фундаментал илмий-педагогик тадқиқотлар долзарблигига қараб ўта долзарб, долзарб, долзарблиги паст ва нодолзарб тадқиқотларга бўлинишини билиб олади.

Назорат саволлари:

1. Педагогик тадқиқотнинг янгилиги деганда нимани тушунасиз? 2.Педагогик тадқиқотнинг долзарблиги нимадан иборат? 3.Педагогик тадқиқотнинг сифат мезонларини қандай тушунасиз? 4.Педагогик тадқиқотнинг назарий аҳамияти мезони нима?

5. 
   Педагогик тадқиқотнинг амалий аҳамияти мезони нимани билдиради?
   

Ушбу мавзуда педагогик тадқиқотларнинг: янгилик, назарий ва амалий янгилик, аниқлаштириш ва тўлдириш даражалари нима эканлиги тўғрисида тушунчалар берилади ва улар таърифланади.

Педагогик тадқиқот натижаларини қандай қилиб хусусий ва умумий методик даражага ажратиш ҳамда умумдидактик даража нима эканлиги ва унинг таърифи берилади.
Аттестация тизимида фундаментал тадқиқотларнинг сифатини тавсифлашда қуйидаги мезонлар ва даражалар ишлатилади: назарий ғояларнинг янгилиги, концепциянинг мавжудлиги ва исботланганлиги, истиқболли эканлиги ва долзарблиги. Уларни кўриб ўтайлик.
55

1. Фундаментал тадқиқот назарий ғояларининг янгилиги.

1. 
   – даража. Тадқиқот натижалари дидактикадаги, тарбия назариясидаги ва педпгогиканинг бошқа соҳаларидаги мавжуд назарий концепцияларни, ғояларни, фаразларни, қонуниятларни айнан такрорлайди, демак бу ерда ҳеч қандай янгилик йўқ.
   
2. 
   – даража. Тадқиқот натижалари дидактикадаги, тарбия назариясидаги ва педагогиканинг бошқа соҳаларидаги айрим концепция, ғоя, фаразларни ва қонуниятларни ойдинлаштиради ва аниқлаштиради.
   
3. 
   – даража. Тадқиқот натижалари дидактикадаги, тарбия назариясидаги ва педагогиканинг бошқа соҳаларидаги мавжуд концепция, ғоя, фаразлар, қонуниятлар ва назарий ғояларни тўлдиради, ривожлантиради ва янги элементлар киритади.
   
4. 
   – даража. Тадқиқот натижалари дидактика, тарбия назарияси ва педагогиканинг бошқа соҳаларига тегишли янги концепция, ғоя, қонуниятларни топади, асослайди ва киритади.
   

1.