Олий ва ўрта махсус таълим

Хусусий муаммолилик – даражаси, тадқиқот натижаларини педагогиканинг алоҳида хусусий масалаларига тегишли назарий тасаввурларни ўзгартиришни тавсифлайди.

Тадқиқотнинг назарий аҳамияти мезони комплекс характерга эга бўлиб, у ўзига тадқиқотнинг янгилиги, исботланганлиги ва келажагини қамраб олади.

4. 
   Тадқиқотнинг амалий аҳамият мезони – ушбу мезон тадқиқотнинг амалий аҳамиятини белгилаб, олинган натижаларни ўқув-тарбиявий жараёнга, ўқитиш методикасига, уни ташкил қилишга, фаолиятнинг ҳар хил турларига, ижтимоий ва иқтисодий самарадорликка кўрсатган таъсири билан тавсифланади. Бошқача айтганда, илмий-амалий тадқиқот натижаларини амалиётга жорий қилиш натижасида эришилган натижалар билан белгиланади.
   

Тадқиқотнинг амалий аҳамияти кўрсаткичлари қуйидагилар:

• 
  тадқиқот натижалари билан қизиққан фойдаланувчилар сони ва ҳажми;
  
• 
  тадқиқот материаллари тавсия қилинган ўқув юртлари сони ва кўлами;
  
• 
  жорий қилиниш кўлами.
  

Олинган натижаларнинг қўлланиш соҳасига қараб, тадқиқотнинг амалий аҳамиятини қуйидаги уч даражага бўлиш мумкин:

• 
  хусусий методик даража – бу даражадаги амалий аҳамиятга ўқитиш методикаси, тарбилаш ва ривожлантиришга тааллуқли хусусий масаларни ҳал қилишга қаратилган амалий тадқиқотлар эга бўлади.
  
• 
  умумметодик даража – бу даражадаги амалий аҳамиятга, ўқитиш ва тарбиялашга тегишли муҳим умумий масалаларни ҳал қилишга қаратилган амалий тадқиқотлар эга бўлади.
  
• 
  умумдидактик даража – бу даражадаги амалий аҳамиятга, дидактика ёки тарбия назариясига тегишли, кўплаб ўқув предметларига тааллуқли тадқиқотлар эга бўлади.
  

Тадқиқотнинг долзарблик мезони - ўқитиш ва тарбиялаш назарияси ва амалиётни ривожлантириш учун муаммони ўз вақтида ўрганиш ва ҳал қилишни билдиради.