Олабўжи романдан катта хикоя

– Шунча вақтдаи бери ҳеч ким қарамаган мактаб ҳақида бирдан гап 
очилди. Тўғрими? Овозингизни чиқаринг. 
– Қ-қулоғим очиқ! – деди Ултон. – Кейин бирга кетдик. Кейин 
уйчага... 
– Нега бордик? 
– Сиз ўзингиз... 
– Худди шундай. 
– Кейин боққа... 
– Олдин уйингизни кириб кўрдим... Пастдаги уйни. Газхонаниям... 
– Ҳа. 
– Ундан кейин амбулаторияга таклиф этдим, а? 
Ултон ўзини эрмак қилинаётгандай бўлди-ю: 
– Бошқа гапингиз йўқми? – деди. – Ахир, у гаплар чипуха... 
– Аксинча, ўртоқ ёзувчи! 
Ултон унга тикилди. Қўлини сигарет куйдириб, уни ташлади-да, 
бошқасини тутатди: “Кўп чекаяпман. Буям охиргиси...” 
– Хўш? 
– Ултон ака, ҳамма ишлар ана ўша топшириқдан бошланди. 
– Шунақа денг. 
– Ҳа, у режа эди. 
... Ултон қотиб қолди. 
– У режа... каттанинг калласида пишган эди, – давом этди Баҳор. – 
Мен айтганимдан кейин... 
– Нимани? 
– Сизни-да! – деб юборди у. 
– Унга? 
– Ҳа. Гапнинг рости, Ултон ака, сизга симпатия билан қарардим... 

---

570 
Сиз Набидан гумонсираманг. У покиза йигит. Содда... Чамамда, унинг 
соддалигини ҳам айтган эдим... 
– Ҳа, – деди Ултон. – У сизни “жодугар” дер эди. 
Баҳор булкиллаб кулди ва йўталиб қолди. Кейин: 
– Ҳа, – деди. – Энди айтса бўларкан... Худо ҳаққи, ҳайрон қоламан. 
Между прочим, мен кўп ўйладим... Хуллас, режа амалга оша бошлади. 
Лекин, – яна ҳиринглаб кулди, – таҳрирлар билан... – Бироз жимиб 
қолгач, сигаретни ташлаб, тепди. – Нима десангиз – денг, сизни яхши 
кўриб қолувдим... 
– Ну-у... – Бу сас тилидан чиқиб кетгач, Ултон пушмон қилди: