Олабўжи романдан катта хикоя

нима, яна такрорлашини истадими? 
Нафсамбирини айтганда, у чиндан ҳам... 
... яхши кўрган эди! 
– Шу-да, – деди у кейин ва секин ўрнидан қўзғалди-ю, боз ўтириб, 
кафтлари билан юзини ёпти. 
“Баттар бўл, – деди ичида Ултон ўзини сал қўйиб берса, унга раҳми 
келишини сезиб. – Йиғла! 
Бузуқ... 
Уҳ, ўша... 
... иш бўлмаганда... Йўқ, барибир бир кунмас бир кун сир очилар, 
ана унда фожеа... оғирроқ бўларди...” 
– Ултон ака. 
• 
– Лаббай. 
– Хайр. 
Ултон унинг чекинаётганини кўриб, туриб кетди. 
– Баҳор? 
У тўхтади-да, энди уйлари томон қаради. Кўзларини артди. 
Сўнгра: 
– Сиз барибир унутмайсиз, – деди. 
– Нимани... A-a! – Ултоннинг томоғидан ҳиринглашга ўхшаш овоз 

---

571 
чиқди. 
– Шу-да. Кечирасиз, чарчабман... Сиз ҳам толиққан кўринасиз... Ў-
ў! – деди кейин ясама шўхчанлик билан. – Осонми! 
– Бас. 
Баҳор секин жилди. Ултон яна интилди. Баҳор йўлкага тушди. 
Ултон: “Наҳот? – деди. – Наҳотки...” 
– Баҳор! 
У яна тўхтади. 
– Алвидо! – Ултон оғзидан чиқиб кетган бу сўздан яна даҳшатга 
тушиб, ҳам қандайдир уялиб бурилди. Ва мотоциклга урилиб кетаёзди. 
Дарвозага етиб, туриб қолди: наздида, Баҳор чақирадигандек... 
... чақирмади... 
Лекин кимдир келяпти. Ашим, шу-шу... Кимса келиб, унинг 
ортида пасайгандек бўлди ва Ултон кескин ўгирилиб, тиз чўкиб турган 
Баҳорни кўрди. 
Унга энгашмоқчи бўлди-ю, бошини биров орқадан тортгандай тек 
қолди. 
– Мени кечирманг, – деди у ҳансираб. – Ўзим кечирмайман. Лекин 
сизга шунча азоб... – У жимиб қолди. – тасаввур қилолмайман...