Олабўжи романдан катта хикоя

– Нега? – Ултон сўраганини билмай қолди. Лекин давом этишни 
зарил деб билди. – Буни... тасаввур этиш қийин эмас... 
– Сиз ҳозир чиқиб... – Баҳор яна унга пастдан боқди. – У ҳайвон... 
Ултон ўзини орқага тортди. Баҳор эгилганча бир муддат сукут 
сақлагач, қўзғалди. Аста буриларкан, дафъатан кулги аралаш: 
– Мен барибир никоҳингиздаман, – деди – Талоқ қилмадингиз 
ҳали... 
– Қизиқ. 
– Биз учрашамиз... Ҳув, у ёқда, у ёқда... 
Сўнг қайрилди, кетди. Муюлишдан ўтиши ҳамон... 
... Ашим кириб келди ва Ултонга боқди: “Нима қилай энди?” 

---

572 
– Кетамиз” – деди Ултон ва мутлақо ўзгариб сўради: – Уйларида 
ҳеч ким йўғ-а, онасиям ишлайдими? 
– Ким билсин, домилла... мотоциклни опчиқаётганимдаям опадан 
бошқа ҳеч ким йўқ эди. 
Ултон дарвозани очди-ю, бирдан четланди: кўзига ёруғ тушиб, 
қўрқиб кетди... 
Ашим мотоциклни буриб, тар-тарлатди-да, ўрнига ўтирди. Ултон 
ҳам ўриндиққа миниб, қирқмани ушлаб қўйди-да, бошини эгди. Ва 
Ашимнинг елкасига манглайи билан туртди. 
Ашим дарвозадан чиқиб: 
– Оёқни ерга кўйинг, – деди-да, тушиб-қайтиб, табақани бекитди. 
Ултон бошини буриб ва бир қўли билан чаккасини тўсиб турарди. 
– Домилла, энди... 
– Ўзим айтаман... Бос! Райкомнинг олдигача... 
– У ерда... тушасизми? Ахир, биласиз-ку, домиллажон... 
– Биламан. – У бўйнидан дурбинни чиқариб, берди. – Зиёдуллага 
бер. У яхши бола. Олмаса, ўзингга. 
– Домилла? 
– Бос! Уйдаги гулларни ҳам Зиёдга бер... Сетон-Томпсон ўзингга! 
Унақа китоблар кўп... Қолган китобларни Дунё опангга бер. 
Кутубхонага... Айиқ тери бор-ку? 
– Ҳа, – деб бақирди. – Одил миршаб кечаям келиб, шу терига кўп