Олабўжи романдан катта хикоя

шартмикан? 
– Ҳа, аҳамияти йўқ, – рози бўлди Ултон. – У ҳозир отасининг 
уйидами? 
Хуррам бош ирғади. 
– Ҳа, укаси уйга опкелиб қўйипти. 
“Энди ишга чиқмас эканми? – ўйлади Ултон ва унга... 
... ачинаётганини туйди-ю, Баҳор – кўзлари қизарган, қовоқлари 
шишган ҳолда кўринди. Ва энди “ачиниш” ўрнини қизиқиш – уни 
кўриш-суҳбатлашиш истаги яна эгаллади. 
Дарвоқе, у билан орани очти қилиши керак-ку? Ахир, ҳамма 
нарсанинг бош сабабчиси... ... са-баб-нинг ўзиям – у-ку? 
Айтмоқчи, ундаям ҳали “очилмаган сирлар” кўп. Уларни 
билмасдан... 
Ҳа-а, билиб олгандан кейин... 
... ҳамма нарса маълум бўлади. Ва бу “тарих” орадан кўтарилади: 
яъни, боши билан адоғи бирлашиб, бир бутунликни ташкил этадики, 
унда баайни... 
асар бўлади. 

---

564 
Асар... 
Балки унинг энг муҳим... ёзилмаган асари шу бўлар? Ҳа: шу. 
Чунки у ҳаётига (ҳам) нуқта қўяди. Тўғри, бир неча кунлик 
ҳаётига... 
Аммо унинг ичида салкам ўттиз йиллик умри-да жой бўлади. 
Умригина эмас, ақидаси... 
... изланиш, иккиланишлари, умуман, Ултонни бу ерда ўраган 
муҳиту одамларга муносабати, қолаверса... 
орзу-армонлару нодонликлар, хушомад, макр, чорасизлик ва 
баттоллик... 
...пироварди, буларга қарши ниш отиб келаётган нуқтаи назарлар 
ҳамда... анави мустабид ҳокимиятнинг илдизига болта бўлиб тушгудек 
эътирозлар, нафсамбири... 
... давлату тузумнинг таги бўш экани, уни зулм ва қўрқитиш 
қуролларигина сақлаб тургани...
ўз аксини топади бу асарда. 
Ултон мотоцикл товушини эшитиб, бу ерда ўтираверса... 
ўтираверишини туйди-ю, ўзини бачкана, қилажак ишини пайсалга