Олабўжи романдан катта хикоя

тарафида турипти гўё... 
Турсунтош миқ этмасдан қолди-да: 
– Келинг, бир масалани ҳал қилиб олайлик! – деди. 
– Марҳамат. Соат... Кечирасиз, Баҳор... 
– Кейин, кейин. 
– Қулоғим сизда. 
127 
– Тўқлибой Қўчқоров тўйингизга бош бўлди... Унинг чизиғидан 
чиқмадик. Махфират опаям, бошқалар ҳам. Мухбирларни ишга солган 
ҳам – у киши. Опага айтган, опа уларга тайинлаган. Қарабсизки, 
газетадаям – дап-ноғора!.. – Ултон чўнтагини кавларкан (Берди дўхтир 
ҳужрадан чиқиш олдида: “Газетни кўринг”, дегани бежиз эмас – 
бутерброд ўралган газета районники экан...), – Шўро раиси баттар 
жўшиб кетди: – Кимнинг тўйида мунча дабдаба бўлган? Юзларингдан 
ой кўрганмиди у? – Турсунтош бармоғини силкитиб жилмайди. – 
Сизнинг шогирд эканингиз ҳам – бир чақага арзимайди. 
Ултон ғижим бўлган газетани чиқарган эди, четга отди. 
– Ҳа. 
– Раҳмат сизга. Баҳорни “шогирдим”, деб оғзини тўлдиришиям – 
бекор гап! 
– Нега? 
– “Карл Маркс”нинг эшигиниям очмаган у. Ҳу-ув адоқдаги 
мактабда ўқиган. Дунё билан... Жаноб олийларининг “бир оғиз сўзлари” 
билан бу ерга келганиям – ғирт ёлғон! 
Ултон яна бош ирғади. 
– Ҳожар холаям айтди. 
– У киши билади! Кўп сирларни билади. Лекин оғзи маҳкам. Тили 

---

527 
қисиқ эмас, қарам-да... 
Ҳеч кими йўқ бир бева... 
4
 
– Хўш, бу гап-сўзлар Баҳор учун бўлдими? – Ултон тағин бегона 
ҳақида гап кетаётгандай сўради. 
– Тавба! – мазах қилди Турсунтош. – Ўзи... ўзгиналари учун бўлди! 
Апирис... 
– Ҳим, обрў орттириш... 
– Бе-е! Майли, бу ёғиям бор, – давом этди Турсунтош. – Нимагаки,