Олабўжи романдан катта хикоя

гаплашганимниям айтиб бергандир? Тўғрими? 
Дунё сигарет учини кулдонга ишқаб тутунини тўккан бўлди. 
Кейин чойдан бир қултум ичиб, қолганини чўғдек гиламга сепиб 
ташлади-да: 
– Сволоч, – деб тўнғиллади. – Шундай даққи, шақилдоқ бўлгани 
билан кўнгли бўшда... 
– Жуда-а бўш экан, – илжайди Ултон ва... ҳушёр тортиб тағин 
бояги эшикка қаради. – Балки ўзларини... 
– Э, ўзини бошингизга урасизми! – зарда қилди Дунё. – А, 
дарвоқе... Бу ерда отмайсиз!
– Ким сизга “отаман!” деди? Балки у менинг... ўқимга арзимас! 
– Ну-у... – Дунё жилмайди ва сигаретни кулдонга босиб буткул 
эзди. – Балки ичарсиз? 
– Раҳмат. 
– Кўзингиз қизариб кетган... Бир жойда уйқу босиб, ётиб қолсангиз 
– тамом. – Сўнг жиддий деди. – Тўғрисиям шу: розиск эълон қилинган, 
Ултон ака. КГБям, милисаям, стукачлар ҳам юришипти изғиб... 
– Ҳа. 
– Вой, шу... Қўчқоровни... Кўчага чиқдингиз – қўлга олишади-ку? 
– Кўрамиз-да. 
– Тавба... – Сўнг Ултонга самимий термилди. – Сизга ачинаман, 
холос. Худо ҳаққи... Сиз тўғри йигитсиз... Ҳе, буларнинг падарига 
лаънат! Ҳаммасини! Каззоблар, мафиозлар!.. Ҳа-ҳа. “Озодлик”ни 
эшитиб тураман. Тўғри айтишади: мафия булар... Халқни ўйлаш қайда! 
Халқ – мол... Эй, жиндак ичинг. Ҳушёр бўласиз. – Пиёлани олди-ю: – 
Ҳўў, – деди. – Мен айтдим-ов, ҳиди келади... – Шишадан қуя бошлади. 
– Осон бўлади-ку унда? – деди Ултон. 

---

511 
– Нима? 
– Қўлга тушишим. 
– Да, идите вы... 
– Узр... – Ултон пиёлани олдига қўйди. Кейин манглайига қўлини 
тирамоқчи эди... урганини билмай қолди. – Кечирасиз... – Кейин паст 
овозда сўради. – Наҳот ўйламадинглар-а? Кишини шунчалик алдаш