Олабўжи романдан катта хикоя

жўнатвордим. Нима гап бўлса, эрига айтар экан, эри менга айтди. 
Исқирт... 
– Эриям... хизмат қилиб турса керак? 
– Бўлмасам-чи? – деди Дунё. – Ҳе, кўпларнинг куни хўжайиннинг 
устида... Мунди акаям яқинда кеп, битта сермани опкетди. Тараканнинг 
онасини чақирсак, сўямиз, деб боғлаб қуйган эдим... 
– Нима, улар билан пўм чиқдингизми? – кулумсиради Ултон. – 
Хуррам ҳам шундай дегандай бўлди. 
– Хуррамнинг ўзи... уларни кўрарга кўзи йўқ. Ўша куни – вечерда 
эшитдингиз-у гапларини? Улар ҳам ҳолва... Ҳе, ўт кетсин буларнинг 
уйига! 
– Унақа деманг. Бошпана сўраб келади-ю, ўзингизни пойгага 
туширади. – Ултон кулумсиради яна. – Дарвоқе, Таракановлар билан 
“кампания” эдингизлар чоғи? – У эшикка қараб олди. – Баҳор ҳам 
айтганди... 
– Баҳор гўл! – деди у бирдан. – Ишонинг, ўзи ёмон қиз эмас-у... 
– Кечирасиз, унинг ўзи билан... 
– Гаплашасиз! – уқтирди бека. Кейин Ултонга ўйланиб боқди, – 
Кўрдингиз-а уларни? 
– Кимларни? – Ултон унинг қиёфасидан англагач, бошини эгди. – 
Сўраманг... – Кейин, миясини қиздирган гаплар оғзидан тошиб чиқа 
бошлади: –Биласиз-ку ўзингиз? Шу ердаям?.. – У бўш қўлини стол 
қаршисига очиладиган эшикка чўзди. – Балки шу хонадаям... 
Тушунаман. Аҳмоқ эмасман... 
Дунё аста “ВТ”дан олди. Ёндиргичда тутатиб, курсига қийшайиб 
ўтирди. 
– А, нима? – деди кейин беписандлик билан. – Салкам ўттизга 
кирган қиздан... то ест, майли... қиздан нимани кутасиз? Тўғри, 

---

510 
ҳаммасиям шундаймас. Аммо бор... Сиз ўзингиз юрмаганмисиз? Айтиб 
ҳам бергансиз! Суйганингиз борлигиниям!.. Ёлғонми? 
– Рост, – деди Ултон. – Бироқ... менинг у билан телефонда