Олабўжи романдан катта хикоя

Булар кулиб, ўтиб кетишди. 
Кенг сайҳонлик, моллар оғиз ургудек кўкат йўқ. Бироқ тунги 
шудринглар туфайли ажриқлар яна яшил ранг ола бошлаган. Бир-икки 
ҳафтадан кейин илк ёмғирлар ҳам савалай бошлайди-ю, бу ерларда 
чумчуқ-кўздек нозик чечаклар юз очади. Афсус, уларнинг умри қисқа... 
Тоғнинг бу ёққа қараб оғзини очиб турган дараларидан бирида, 
яъни... 
...Ултон мўлжаллаб бораётган даранинг шундоқ биқинидаги 
баланд айритош “ҳовуч”идан бир қучоқ оппоқ сув отилиб тушар эди. 
Ҳозир сувнинг озайгани (қорлар эриб кетгани) аниқ, лекин барибир 
тагига бориб елка тутсанг, мушт ургудек кучи бўлиши керак. 

---

463 
Шаршаранинг ҳар икки ёнидаги қоялар бетини шиллиқ-чайир 
гиёҳлар босиб ётади ва уларнинг баргчаларидан ҳам сув томчилаб 
турарди. Кун кўтарилгани сари минг тусда товланиб боради. Ана шу 
қояларнинг дарз кетган жойларидан ғовлаб ўсган наъматаклар 
очилганда кўрсангизми, “жинни” бўласиз-ов. 
Лекин уларнинг сертикан бутоқлари орасидан чирмовиқдай 
буралиб-қийшайиб ўрмалаган ва бўғинларида ям-яшил гуллар очилган 
яна бир гиёҳ борки, у... 
...тиловўт! 
Ултоннинг уйчасида ҳам ундан бор. Бироқ кўримсизлиги учун 
Баҳорда эътибор қилмаган эди. 
(Ундайлигига сабаб – табиий, ўша ҳужрада ҳам ҳаво мусаффо эмас, 
намлик ва қуёш нури тушмайди.) 
Шаршарага яқин борганлари, шовуллаш баралла эшитила 
бошлагани сари муаллимларнинг... тиловўтга “қизиқиб қолиш”лари 
мумкинлигидан Ултон хавотирга туша бошлади. Ва уларни қандай 
чалғитиш ҳақида ўйлар экан: “Э, чўпонларнинг кўпиям танимайди-ю! – 
деди ичида хуруж билан. – Булар қаёқдан танисин? Булар учун у – бир