Олабўжи романдан катта хикоя

ҳам вертолётни уриб тушириш унинг учун чўт эмасдек эди. 
– Ўйлаб гапир, ўйлаб... – деди Зокир Ўринов. 
– Нимасини? 
– Кайфинг борми? 
 
– Озроқ ичдим. 
– Озроққа шундай бўлсанг... 
Хуррам домлани яна қучиб қўйди-да: 
– Майли, мен орангларда Қоработир бўлмайин, – деб қўзғолди. – 
Ана шу авганец билан бироз гурунг қилай... Ҳе-ей, биродарлар-е, бир 
замонлар бизнинг полвонларимиз афғоннинг тўйига бориб кураш тушиб 
келар эди. Чегаралар очиқ, бизлар... биродар эдик. Энди милтиқ кўтариб 
борадиган бўлдик. Биродарларни ўлдириш учун. Ёки улар қўлида ўлиш 
учун... – Хуррам Қобилнинг ёнига ўтириб, шишани кўтарди: бўш эди. – 
Бу, тамом бўпти-ку? 
– Аписи-анка! – чақирди Мунди. – Қаюм ака, қайдасиз? Турсунтош 
– хасис. Шарбатхонани қулфлаб юради... Ҳой, Ашим! Тирикмисан? 
– Кечирасизлар, ўртоқлар, – деди Зокир Ўринов безовталаниб. – 
Хуррамнинг санъатини мен жуда ҳурмат қиламан. Тарихдан ҳам 
билимдон: тан бераман... Лекин баъзан жиддий масалаларда субъектив 
мулоҳазалар билдириб қолардики, ҳайрон бўлардим... Ҳозирги гапи 
жуда ошиб тушди. Ахир, масъулият қани? 
 
– Хуррам акам тўғри гапни айтдилар-ку, – деди Қобил. – Афғонлик 

---

323 
ўзбеклардан ҳам шу гапни эшитдим. Ҳозир “босқинчи” деб қарашади 
бизга. 
...Ултон унга бақрайиб қолган эди: “Худди шундай”, деб ўйлади. 
Сўнгра бу йигитчани кўрган чоғида ёки у билан салом-алик 
қилганида мияси қизий бориб, унда ғужғон ўйнайдиган омухта фикрлар 
яна бош кўтара бошлади: Туркистону Бухоронинг Қизил Армия 
томонидан ишғол этилиши... Илло, “Бухоро инқилобининг ҳаракатга 
келтирувчи кучлари” аслида... йўқ экани (Каромат илмий ишида бунинг