Олабўжи романдан катта хикоя

– Ҳожар опа бир нималар деганди... - Сўнг Ултонга қия қараб 
турди- да: – Бир кун мени алоҳида опкеласиз, – деди. 
– Жоним билан. 
Кейин иккиси икки томонга қаради ва Дунёнинг кулгисига жўр 
бўлишди. 

---

277 
– Да-а, – деди кейин бойвучча. – Хайрият, бу омон қопти. 
– Ҳа-ҳа. Шунгаям шукр қилишимиз керак, – деди Ултон. 
– Тавба, шунақа аёллар ҳам ўтган-а... Уму непостежимо... 
– Юр, юр, – деди Баҳор. 
Зикриёхон домла билан Абдуқаюм буларга етиб, тўхтаб қолишган 
эди. 
Эшикка етдилар, чиқдилар. Тош зинадан тушдилар. Зинапоя 
устида қолган Зикриёхон домла фотиҳа берди: 
– Омин, қўша-қариб, ували-жували бўлинглар. Меҳри оқибат 
сизларга ҳамроҳ бўлсин... 
...Кейин ҳар ким ўзига тегишли мошинага тушиб кетдилар: 
“Жигули” келган йўли билан, “Победа” сой ёқалаб. 
63 
Тепадаги симларда нокдай-нокдай чироқлар порлайди: уларга 
боқсанг – кўз қамашади, топталиб тупроғи чиқа бошлаган ерга қарасанг 
– чумоли ҳам кўринади. Дарахт япроқлари сокин ялтирайди: соялари 
ортига ўтган. Қайси бир айрига ўрнатилган овоз кучайтиргич ускунадан 
эшитилаётган “Лолалар” қўшиғи авжга чиққанда, бу ердан олисроққа 
кўчган майналар чуғури ўчиб қолади-да, кейин яна хуруж қилади. 
Аммо бу товушлар даврадаги ғалағул-кулги, гап отишлар “соясида 
қолиб”, бировнинг эътиборини тортмайди, жиғига ҳам тегмайди. 
Бунинг устига, айримлар сархуш: кўчадан отиб келишган. 
“П” шаклидаги давранинг тўри – келин-куёвнинг ўрни, илло у 
ерга қалин гилам тутилган. Бироқ Ултон билан Баҳорни... 
...(уларнинг навкару дугоналарини ҳам) “П”нинг сой томондаги 
“ўқи” томонига ўтказишди.