Олабўжи романдан катта хикоя

– Ва-а-а! – Мунди чайқалиб кулди. Чиндан ҳам хийлагина “етилиб 

---

280 
қолган”, кўзлари йилтиллар, сочи қулоқлари устига тушган эди. – Биру 
нў-ўл! – деб хитоб қилди. Кейин Дунёни кўриб қолдими, атай қилдими – 
бирдан қўлларини кўксида боғлаб эгилди. – Ассалом алайкум, жаноби 
олиялари! 
– Ўлмапсиз сиздай мезбон, – деди Дунё. – Меҳмонларниям хурсанд 
қилинг. Ҳамкасбингиз бўлади-ку улар! 
– Албатта!.. Бир оғиз сўзингиз... Ҳозир бой отамлар келсинлар, 
давраниям очамиз. 
– Боринг-боринг. 
– Хўп бўлади! – Мунди тантанали таъзим қилиб, Ултондан чап 
томонда ўтирган меҳмонлар томон жилди. – Қандай ўтирибсизлар, 
менинг жигарларим! Қалам билан кун кўрадиган заҳматкашларим! 
Хуш келибсизлар! 
Улар кулишиб, келганларидан бери “ўзлари билан” бирга 
эканларини айтишаркан... 
...Ултон Мундини суюб қолмасдан, унга қандайдир раҳми 
келаётганини ҳам туйди, бу туйғу Дунёнинг “Боринг-боринг!” дея 
“ҳайдаганию” таниқли мухбирнинг таъзим қилганини яна кўз ўнгидан 
ўтказди. 
“Ким билади-е, – деди кейин. – Балки булар бир-бирининг гапини 
кўтарар? 
Ҳаётдан айб излайвермагин, Ултон. 
У шундай ҳам... 
Қувон, томоша қил! 
Икки-уч соатдан кейин – бари тугайди... 
... бу ўтириш ҳам.” 
64 
Келин-куёв рўпарасидаги столлар (“П”нинг иккинчи ўқи)нинг у 
томони ҳам меҳмонларга тўла бошлади. 
– Бизникилар. Қаранг, – шивирлади Баҳор ва Ултон улар орасидан 

---

281 
ярим туриб, бошини эгиб-эгиб қўяётган кишига эътибор қилди: 
“Қўлдош Мўмин!” Бош касалхонанинг бош дўхтири-жарроҳи...