Олабўжи романдан катта хикоя

эга чиқади. 
– Яхши. – Дунё бирдан мамнун кулумсираб Баҳорга қаради. Сўнг: 
– Сиз қақсиз, – деди Ултонга. 
Абдуқаюм етиб келиб, булар турган заминга бир сония боқди-да: 
– Домла-имом шу ердалар, – деди. 
– Ботир, гулни ол... Юринглар. Хотинингиз қани, новвой? 
– Т-тўйхонага кетди. 
Қочиб кетди денг? 
Абдуқаюм илжайди. 

---

266 
– Шу ергача келди-ку. 
– Шўри қурсин раҳбарларнинг. 
– Осторожно, – деди Баҳор. 
– Да, ну их... 
– Уҳ-ҳ. 
– Сизлар овруполикларга ўхшайсизлар, – луқма ташлади Ултон. – 
Мана бу киши ғирт оврупоча кийинган бўлсаям... мусулмон. 
– Шундайми? – деди Дунё Абдуқаюмга жилмайиб. 
– Мана бу ерга боғлиқ. – Новвой кўксини нуқиб кўрсатди. – 
Африкача гапирадиган мусулмонларниям кўрганмиз. 
– Бунга нима дейсиз, ўртоқ Султонов? 
Ултон гангиб тўхтади-ю, бирдан қўлларини тепага кўтарди. 
– Биз таслим! 
– Ҳали кўп таслим бўласиз. 
Ултон пишиллаб нафас олди. 
– Кўрамиз. 
– Эй, сенга ўзи... – Баҳор уни юлиб берадигандек қўлларини кўкси 
бўйи кўтарди-ю, Ултонни илкис қўлтиқлаб олди. – Бойвучча бугун чап 
ёни билан турган... 
60 
Қабристон бирор таноб ерни ишғол этган. Унинг этаги ва 
кунчиқар тарафида сархови уваланиб қирра бўлиб қолган девор 
чўзилган: этакда жийда буталари кўп, ён томонда – ёввойи супурги, 
шўра. 
Ана шу супурги, шўралар ёнидан кетган тақиргина йўлка очиқ 
айвонга олиб боради. 
Айвондан сал нарида – бу ёққа қараб тушган пешайвонли 
ҳужралар бор. 
Абдуқаюм бошлиқ аёллар, кейинда Ултон билан Ботир тепаси