Олабўжи романдан катта хикоя

кароватдан тушаркан, жувон кулиб шеър айтган: 
 
 
– Қизлар ўрар ўрамолин, 
 
Жувон қўяр юзга холин. 
 
Ёш йигитнинг арзи-ҳолин
 
Қиз не билсин, жувон билар
3
. 
Ултон шеърни дарҳол ёдлаб олган-у, йўлакка чиққан, ундан 
подъездга чиққан. Ва лифтни кутишга тоқати бўлмай, зиналардан яёв 
эниб кетган. 
Кейин ҳафталар бўйи ўзидан уялиб, нафратланиб... гўё қалб, 
туйғулари ҳам булғаниб, нопок бўлгандек қийналиб юрган. 
Кейин бу “иш” ҳам “табиий ҳол” эканига ақли етиб, ўзини босиб 
олган эди. 
Яна битта воқеа. 
Ултон вилоят газетасида ишлаётганида, битта – мошинка босувчи 
жувон унга тоза қизиқиб қолган эди: таҳрирдан чиққан қўлёзмаларни 
навбатсиз кўчириб келади, тушлик овқатдан қайтганида, чой дамлаб 
беради-да, яна шоколад ҳам қўяди. 
Лекин унинг икки боласи бор, шунинг учун Ултон унга бепарво 
эди. 
Боёқиш Ултондан олдинроқ ишдан кетди: онаси ўлган экан, қора 
кўйлак ва лозим кийиб келар, турмаклаб юрадиган сочиниям иккита 
қилиб ташлаганди. Шу... шу ҳолга обкомнинг идеология бўлимидан бир 
ходимнинг назари тушибди, у киши зудлик билан муҳаррирга қўнғироқ 
қилиб: “Бу нима гап ўзи? Секретаркангиз иштон кийиб, сочини майда 
ўриб юрипти? Ўтмишни соғинипти шекилли...” деган экан, муҳаррир 
3
Қорақалпоқ классиги Ажиниёздан. 

---

99 
жувонни алдаб-сулдаб бир танишининг ишхонасигами ўтказиб юборди. 
Шунақа. 
Ултон унга ачиниб қолганди, холос... Кейин эса, бу ҳис ҳам ўз-
ўзидан ўтмаслашиб кетди. 
Балки унинг табиат орасига бош олиб кетишига асосларидан бири