Олабўжи романдан катта хикоя

– Аломатсиз-да, Абдуқаюм ака! Қани, марҳамат! Олға! – У 
ҳалпиллаб ёнбағирга тирмашди, қирғоққа чиқиб олди. 
Абдуқаюм кўпчиб ётган тупроқни четлаб, худди Ултон ўйинқароқ 
болаю ундан завқланаётган каби кулиб, ёнбағирдан чиққан 
томирлардан ушлай-ушлай тепага кўтарилди. 
– О-о-о! Шоҳона дастурхон! 
– Камбағалга бўлаверади. – Ултон унга “курси” кўрсатди. – 
Марҳамат! 

---

91 
– Ҳе-ҳе-ҳе, – пихиллаб кулди Абдуқаюм. – Супрақоқдиси шу бўлса, 
қойил! —– Сўнг қўлтиғидаги “Совет Ўзбекистони”га ўроғлик бир жуфт 
патирни чиқариб дастурхонга қўйди-да, бирдан Ултонга тикилди. – 
Ҳали “Искандар кўприги” дедингиз. У қаерда? Тушунолмадим. 
Ултон ўтирғичга чўкиб, оёғини чалиштирди. 
– Сурхон воҳасида шундай бир кўприк бор, – деди-ю, ўша кўприк 
дарҳол кўз олдига келиб, ҳаяжонлана бошлади. Бармоқларининг учини 
бир- бирига тегизиб, гўё гумбаз ҳосил қилди. – Меҳроб шаклида! Бундан 
минг йил бурун қурилган! Тентаксойни эшитганмисиз? Ўшанинг устига 
қурилган... Фақат ғиштдан! 
– Ў-ў-ў! Ёғоч, бетон... 
– Йўқ. Ўша кўприк яна минг йил хизмат қилади, деб ўйлайман. Бу 
орада Тентаксойга қуриладиган ўнлаб бетон кўприклар бузилиб кетади! 
–Ултон сўзини тугатди-да, ғурур билан жилмайди. – Сизнинг 
кўпригингизга келсак, – деди ўша ёққа қараб, – буям кўп йиллар бардош 
беради қутурган селларга! Ҳа, Абдуқаюм ака! – хўрсинди у. – Бунинг ҳар 
бир заррасига меҳр қўшилган... 
– Лекин она гапни айтдингиз, – чайқалди новвой. – Бунинг тенг 
ярмисини халқ қурди-ку! 
– Эшитганман. 
– А, нега ўша кўприкни “Искандер кўприги” деб... 
– Гап-да бу. Бўлмасам Искандарнинг ўтганига икки минг йилдан