Олабўжи романдан катта хикоя

кимгадир бериб қисқартирган костюм-шимини кийиб кўриш учун уйга 
яқинлашиб бораркан... 

---

248 
...тағин бир қурум ош еб чиққанларни кўриб, пастроққа тушди. 
– Хуш кепсизлар, – дея пичирлаб қўл қовуштирди. Улар ўтгунча 
бурни-манглайи терлаб кетди. Кимлардир нималардир деб кулишди. 
Ултон бош кўтармади: синиқ ишшайиб, тислана-тислана бирдан уйга 
йўрғалади. 
Айвон ҳам хотин-халажга тўла: тағин кулги, қутлов, гап 
отишлар... 
Ултон олис йўлни босиб мадори қуригандек ҳансираб: 
– Опа-а! – деб бақирди. – Ҳов, хола, айтиб юборинг! 
Ўгай она ўрнига отаси чиқди-да, пастга тушди. 
– Улим, гап бор, – дея уйнинг қирга қараган ёнига йўл олди. 
– Опанг хотинлар билан. Сарпосига сарпо қўйиш лозим... Ҳим, 
нима гапингиз бор? – Султон бобо тарнов суви учун ўтказилган ариқча 
лабида тўхтаб, йўталиб олди. – Заксга бормас эмишсизлар-а? 
– Ҳа, – деди Ултон. 
– Хў-ўш, алҳамдулилло, мусулмонмиз, улим... 
– Тушундим, – деди Ултон. – Никоҳ ўқитамиз. 
– Раҳмат... Биз – қудам иккимиз шундай фикрга келдик... 
“Қуда... Қуда бўлишди-я? Ажаб! – дея кўнглидан кечирди Ултон. – 
Шундай бўлар экан-да!” 
– Хўш? – деди Ултон. 
– Лекин ижроқўм опа билмасин... Илгариям Зикриёхон домлага 
анча азоб берган, 
– Биламан. 
– Домла шунинг учун ҳам бугун... келмадилар. Бу ерда ҳар хил 
одамлар бор... 
Ултон кулумсираб қўйди: ҳа, кечадан бери – хусусан бугун 
тонгданоқ келиб кетаётган одамларнинг тўқсон фоизини танимас эди. 
– Алқисса, сен келиним билан бир йўлини қилиб учрашасизлар. 
Ҳозирми, кейинроқми... Ишқилиб, кечга қолмай тақсирнинг ҳузурида 

---

249