Олабўжи романдан катта хикоя

кампания яна бошланипти экан, би-ир ерларда... миллий туйғу 
кучайган, қандайдир жиддий гаплар бўлган...” – Хатда бошқа гаплар 
ҳам бордир? – сўради у. 
Мунди иягини асабий қашиб: 
– Бор! – деди. – Чойхоналар ҳақидаям бир пункит бор... 

---

244 
Ултон энтикиб кетди: Тошкентда курсдошлари билан ҳафта – ўн 
беш кунда ҳалфана ош қиладиган жойлари – “Собир Раҳимов” 
чойхонасидаги барча ўчоқлар бир тунда милисалар тарафидан бузиб 
ташланган эди. Ўшанда йигитлар ётоқ атрофида айланиб юрадиган 
(чойхонага дахлсиз) соқчи-миршабни тутиб уришган ҳам эди. 
Эсида: шўрлик милиса: “Менинг айбим йўқ. Шундай қилинглар 
деган “секретний хат” келганини мен ҳам эшитганман, холос... Лекин 
менга буюрса, шу ишни қилмас эдим!” деб ёлворган эди... 
– Тушунарли, – деди Ултон. – Демак, Мустафоқул амакининг 
чойхонасини ёзиш ҳақида... 
– 
...гап бўлиши мумкин эмас! – деди Мунди. Ва яна тиззасига 
уриб туриб кетди. 
Ултон бир муддат сукутдан кейин: 
– Бўлди, – деди. – Ҳаммаси тушунарли. – Кейин алам билан кулди. 
– Лекин ҳеч ким бунга қаршилик қилмайди, а? 
– “Қилиб” кўрсин-чи! 
– Рост. Фойдаси йўқ, – хаёлчан давом этди у. – Биз қўрқоқмиз. 
Юрак олдириб қўйганмиз. 
Мунди бирдан қўлини фотиҳага очди. 
– О-омин! 
– Э, з, – деди Ултон. 
– Ёмоннинг жазосини ўзи берсин!.. Хўш, яхшилар, қўшгани билан 
қўша қарисин... Яъни, сиз, ўртоқ Ултон Султонович! 
– Райком секретарининг одами! – қўшимча қилди Собир. 
– Табиатни муҳофаза этиш жамиятининг бўлажак раиси! 
Ултон анқайиб қолди: “Булар ҳам ҳамма нарсани билади. – Шунда 
миясига бир гап урилди: – Баҳорни ҳам...”